ગુજરાત, મહારાષ્ટ્ર, UP, કેરળ અને આંધ્રપ્રદેશમાં 15થી વધુ આચર્યા છે ગુના, મધ્યપ્રદેશના ધાર જિલ્લાથી 7 આરોપીની ધરપકડ
વલસાડ LCBની સફળતા
ચડ્ડી-બનીયાનધારી ગેંગની ધરપકડ
15થી વધુ ગુનાના ભેદ ઉકેલાયા
વલસાડ LCB પોલીસે ચડ્ડી-બનીયાનધારી ગેંગની ધરપકડ કરી છે. પોલીસે મધ્યપ્રદેશના ધાર જિલ્લાના 7 આરોપીની ધરપકડ કરી છે. આ આરોપીઓની ધરપકડ થવાથી 15થી વધુ ગંભીર ગુનાના ભેદ ઉકેલાયા છે. LCB પોલીસે આરોપીની ધરપકડ કરવા સાથે ગાડી અને ચોરી કરવાના સાધનો સહિત 5 લાખનો મુદ્દામાલ પણ જપ્ત કર્યો છે. ઝડપાયેલા આરોપીઓ ગુજરાત, મહારાષ્ટ્ર, ઉત્તર પ્રદેશ, કેરળ અને આંધ્ર પ્રદેશમાં ગુનાને અંજામ આપી ચુક્યા છે.
મધ્યપ્રદેશના ધાર જિલ્લાના 7 આરોપીની ધરપકડ
વલસાડ જિલ્લાની એલસીબી પોલીસે ગુજરાત સહિત દેશના અનેક રાજ્યોમાં ઘરફોડ ચોરી કરી અને તરખાટ મચાવતી કુખ્યાત ચડ્ડી-બનિયાનધારી ગેંગને દબોચવા માં સફળતા મળી છે. મૂળ મધ્યપ્રદેશના ધાર જિલ્લા ની આ ખૂંખાર ગેંગ ગુનો આચરતી વખતે ક્રૂર બને છે. ગુનો આચરતી વખતે તેમનો સામનો કરે કે પ્રિતિકાર કરે તો નિર્દયતાપૂર્વક હુમલા પણ કરતી હોવાનું પોલીસ તપાસમાં બહાર આવ્યું છે. પોલીસે આ ખૂંખાર ગેંગના 7 સાગરીતોને અંદાજે સવા પાંચ લાખના મુદ્દામાલ સાથે ઝડપી સળિયા પાછળ ધકેલી દીધા છે. અને એક જ ઝાટકે દેશ ના અનેક રાજ્યોમાં આ ગેંગ એ આચરેલા 15 થી વધુ ગંભીર ગુનાઓના ભેદ ઉકેલવામાં પોલીસને સફળતા મળી છે.
વલસાડ LCB પોલીસને કેવી રીતે મળી સફળતા?
વલસાડ જિલ્લા એલસીબી પોલીસને મળેલી બાતમીના આધારે પોલીસે વલસાડના વાઘછીપા ચિવલ રોડ પર પુરઝડપે પસાર થતી એક ગાડીનો પીછો કરી કર્યો હતો. ગાડી રોકી તપાસ કરતા ગાડીમાં સાત ઈસમો શંકાસ્પદ મળી આવ્યા હતા. આથી પોલીસે તમામની અટકાયત કરી ગાડી ની તપાસ કરતાં અંદરથી ગાડીમાંથી ચોરી કરવાના સાધનો મળ્યા હતી. પોલીસના હાથે લાગેલા આ સામાન્ય અને નિર્દોષ દેખાતા વ્યક્તિઓ કોઈ સામાન્ય માણસો નહીં પરંતુ ગુજરાત સહિત દેશના અનેક રાજ્યોમાં અનેક ગંભીર ગુનાઓને અંજામ આપી પાંચથી વધુ રાજ્યોની પોલીસને દોડતી કરનાર મૂળ મધ્યપ્રદેશના ધાર જિલ્લા ની ખૂંખાર ચડ્ડી-બનિયાનધારી ગેંગના સાગરીતો છે.
15થી વધુ ગંભીર ગુનાઓના ભેદ ઉકેલાયા
આથી પોલીસે ગાડી અને ચોરી કરવા ના સાધનો સહિત અંદાજે સવા પાંચ લાખની કિંમતનો મુદ્દામાલ કબજે કરી આગવીઢબે પૂછપરછ કરી હતી. પોલીસની તપાસમાં બહાર આવ્યું છે કે આરોપીઓએ વલસાડ જિલ્લાના પારડી પોલીસ સ્ટેશનના હદ વિસ્તાર સહિત ચોટીલામાં પણ મંદિરમાં ચોરી કરી અને પોલીસને દોડતી કરી હતી. આ ગેંગે ના સાગરીતો ખૂબ જ ખૂંખાર છે.અગાઉ પણ અનેક ગુનાઓને અંજામ આપી ચૂકયા છે.ત્યારે વધુ એક વખત કોઈ ગંભીર ગુનાને અંજામ આપે એ પહેલાજ વલસાડ એલસીબી અને એસઓજી પોલીસે ગેંગના સાત સાગરીતોને દબોચી સળિયા પાછળ ધકેલી દીધા છે. અને આ ગેંગના ગુનાહિત ભૂતકાળ ને ખંગોળવા તપાસ હાથ ધરી હતી.
ચડ્ડી-બનિયાનધારી ગેંગનો હતો આતંક
વલસાડ જિલ્લા એલસીબી પોલીસના હાથે લાગેલી આ ખૂંખાર ચડ્ડી-બનિયાનધારી ના અનેક સાગરીતો ગુનાહિત ભૂતકાળ ધરાવે છે. અગાઉ પણ ગેંગના અનેક સાગરીતો ના કારનામાં ગુજરાત ના અન્ય જિલ્લાઓ સહિત દેશના પાંચથી વધુ રાજ્યના પોલીસ સ્ટેશનોમાં નોંધાઈ ચૂક્યા છે ..પોલીસની પ્રાથમિક તપાસમાં બહાર આવ્યું છે કે પોલીસના હાથે ઝડપાયેલી આ ખૂંખાર ચડ્ડી બનિયાનધારી ગેંગ દિવસે વિવિધ વિસ્તારોમાં રેકી કરે છે. રેકી કર્યા બાદ કોઈ એક મકાન કે એક જગ્યા ને નિશાન બનાવે છે.. અને રાત્રે ગાડી લઈને આ ગેંગના સભ્યો નક્કી કરેલા નિશાન પર ત્રાટકે છે. ગુનો આચરતી વખતે આ ગેંગના સાગરિતો ખૂંખાર બની જાય છે .ગુનો આચરતી વખતે જો કોઈ ભોગ બનનાર ગેંગનો પ્રતિકાર કરે કે પડકાર કરે તો આ ગેંગના સાગરિતો ખૂંખાર બની અને જીવલેણ હુમલો કરતાં પણ અચકાતા નથી. પોલીસના હાથે ઝડપાયેલા આરોપીઓ પર એક નજર કરીએ તો.
કયા કયા આરોપીઑ ઝડપાયા
પ્યારસિંગ ડોગરસિંગ અલાવા
શરમ સિંગ ઉર્ફે શર્મા મંગુ સીંગ મેહડા
મોહસીંગ દીપલા બામનીયા
તેરસિંગ મેહડા
કલમ સિંગ રતનસિંગ મેહડા
મોહબ્બત સિંગ મલસીંગ મહેડા
જ્યારે ભીશન મંગુસિંગ મહેડા નામના આરોપીને વોન્ટેડ જાહેર કર્યો છે.
ગુજરાત, મહારાષ્ટ્ર, UP, કેરળ અને આંધ્રપ્રદેશમાં આચર્યા ગુના
અત્યાર સુધી આ ગેંગે વલસાડ જિલ્લાના પારડી પોલીસ સ્ટેશન ,યાત્રાધામ ચોટીલાના એક મંદિરમાં , મહારાષ્ટ્રના સતારામાં , ઉત્તર પ્રદેશના મિરઝાપુર માં , બિહારના પાટનગર પટણામાં , મહારાષ્ટ્રના નાગપુર , આંધ્ર પ્રદેશના વિશાખાપટનમ ના દરિયા કિનારે , મધ્યપ્રદેશના વિદિશા સીટી સહિત અનેક રાજ્યોમાં આવી જ રીતે ગંભીર ગુનાઓને અંજામ આપી ગુજરાત સહિત મધ્યપ્રદેશ , આંધ્રપ્રદેશ, ઉત્તર પ્રદેશ મહારાષ્ટ્ર , અને કેરલ જેવા દેશ ના છેવાડે આવેલા રાજ્યોની પોલીસને પણ દોડતી કરી છે. અત્યારે આ ચડ્ડી-બનિયાનધારી ગેંગ વલસાડ જિલ્લા એલસીબી પોલીસના પાંજરે પુરાઈ છે.. આથી પોલીસની આગળની તપાસ માં પણ આ ગેંગ ના અનેક ખતરનાક કારનામાઓ અને ગુનાઓ ના ભેદ ઉકેલાય તેવી શક્યતાઓ જોવાઈ રહી છે .