વલસાડ LCBએ 30 લાખના દારૂના મુદ્દામાલ સાથે 3 આરોપીની પારડી નેશનલ હાઈવે પરથી ધરપકડ કરી
વલસાડ પોલીસે દારૂ ઝડપ્યો
પારડી નેશનલ હાઈવે પરથી દારૂ ઝડપાયો
3 આરોપીની કરાઈ ધરપકડ
વલસાડ જિલ્લા અડી ને આવેલ સંઘ પ્રદેશ દમણ નગર હવેલી વિદેશી દારૂ છૂટ થી મળે છે અને પીવાય પણ છે ..જોકે આ બંને સંઘ પ્રદેશ થી સુયોજિત પ્લાન રચી મોટાપાયે ગાંધી ના ગુજરાત માં દારૂ ઘુસાડવા ના પ્રયાસો બુટલેગરો કરતા હોય છે ,જોકે વલસાડ પોલીસે ચેક નાકાઓ પર બાઝ નજર રાખી ને આ બુટલેગરો ના ઈરાદો પર પાણી ફેરવતા હોય છે ..જેના કારણે બુટલેગરો અવનવા કીમિયા અજમાવતા હોય છે.આ વખતે બુટલેગરો એ જે કીમિયો અપનાવ્યો છે તે જાણી ને પોલીસ પણ ચોકી ઉઠી છે.
'પોસ્ટ'નો નહીં દારૂનો ટેમ્પો
દમણ અને સેલવાસ થી મોટાપાયે વિદેશી દારૂ વલસાડ અને વાપી માં ઘુસાડવાનો પ્રયાસ બુટલેગરો કરતા હોય છે ,ત્યારે વાપી અને વલસાડ પોલીસ પણ તમામ ચેકપોસ્ટ અને છુપા ચોર રસ્તાઓ અને હાઇવે પર સઘન ચેકીંગ અને પેટ્રોલિંગ કરી બુટલેગરો ને હંફાવી રહી છે ,ત્યારે આ વખતે પારડી ના ખડકી-મોતીવાડા હાઈ વે પર વાપી થી વલસાડ જતા ટ્રેક પર પાર્સલની સેવા આપતા ટેમ્પા માં વિપુલ પ્રમાણ માં દારૂ નો જથ્થો ભરી ને લઇ જતા ત્રણ આરોપીને વલસાડ એલસીબી ની ટીમે રૂ. 30. 93 લાખના મુદ્દામાલ સાથે ઝડપી પાડ્યા હતા. વલસાડ એલસીબી ની ટીમ પેટ્રોલિંગ માં હતી તે દરમ્યાન મળેલ બાતમીના આધારે પારડી ને.હા.નં .૪૮ એપીકલ હોટલ સામે મુંબઇ થી સુરત જતા ટ્રેક ઉપર ટાટા ટેમ્પો ને રોકી તપાસ કરતા વિપુલ પ્રમાણ માં દારૂ નો જથ્થો મળી આવ્યો હતો.
30 લાખનો મુદ્દામાલ ઝડપાયો
વલસાડ એલ સી બી પોલીસે આ છાપા દરમિયાન મુકેશસીંગ સાલીકસીંગ રહે. યુ.પી., સોમનાથ નાના કોળી અને જગન્નાથ ઉર્ફે આસુ પાંડુરંગ પાટીલ બંને રહે. સુરત, મુળ રહે.મહારાષ્ટ્ર ત્રણેય આરોપી ની ધરપકડ કરી હતી. આ ટ્રક માં 400 બોક્સમાં ભરેલ દારૂ ની બાટલી નંગ 15 હજાર જેની કી.રૂ. 20 લાખ 76 હજાર, ટેમ્પો ની કિ.રૂ .૫ લાખ તેમજ દારૂ ના જથ્થો ભરેલ ટેમ્પાનું પાયલોટીંગ કરી રહેલ ઇનોવા કાર નં . DL - 4 CAE - 6007 જેની કિ.રૂ .૫ લાખ મળી કુલ રૂ. 30 લાખ 93 હજાર નો મુદ્દામાલ પોલીસે કબ્જે લીધો હતો. આ ઉપરાંત ઝડપાયેલ આરોપીઓ તથા નહીં પકડાયેલ પ્રોહી જથ્થો ભરાવનાર તથા મંગાવનાર કુલ -૧૦ વોન્ટેડ આરોપીઓએ ટેમ્પા ની બોડી તેમજ ખોટી નંબર પ્લેટ નો ઉપયોગ કરી ગેરમાર્ગે દોરવાનો પ્રયાસ કર્યો હતો. તેમજ ટેમ્પા નો કલર બદલી પોસ્ટ પણ લખી પોલીસ ને ગેરમાર્ગે દોરવાનો પ્રયાસ પણ કરતા હતા
3માંથી 2 આરોપી વોન્ટેડ
ઝડપાયેલ આરોપી જગન્નાથ અને પાંડુરંગ પાટીલ રીઢા ગુહગારો છે.બંને અંકવાર જેલ ની હવા ખાઈ ચુક્યા છે ..વાપી ,વલસાડ અને સુરત પોલીસ સ્ટેશન ના પોલીસ ચોપડે આ બન્ને અનેક ગુન્હાઓ નોંધાયા છે ..જોકે એક વાર ઝડપાયા બાદ જેલ માં પણ આ રીઢા ગુહગારો સુધારવાનું નામ લેતા નથી ..અને જેલ ની બહાર આવી ને વિવિધ કીમિયા અજમાવી ફરી ગુન્હા આચરવા લાગે છે ત્યારે વલસાડ પોલીસે પણ આરોપી ના રિમાંડ મેળવી વધુ તપાસ તેજ કરી છે ..આ મામલે વલસાડ પોલીસ દારૂ વેચનાર અને ખરીદનાર ના ઝડપે તે ખુબ જરૂરી છે જેથી ગુજરાત માં દારૂ ઘુસાડનાર આકાઓ પણ જેલ ભેગા થઇ શકે.