વલસાડ: કાજુ બનાવતી ફેક્ટરીમાં ભીષણ આગ લાગતા મોટું નુકસાન

વલસાડમાં કાજુ બનાવતી ફેક્ટરીમાં ભીષણ આગ લાગતા આખી ફેક્ટરી આગની લપેટમાં આવી ગઈ. જોત જોતામાં આગે એટલું વિકરાળ રૂપ ધારણ કર્યુ કે ફેક્ટરીમાં રહેલો માલ સામાન બળીને ખાખ થઈ ગયો.

આગની જાણ પોલીસ અને ફાયર વિભાગને કરવામાં આવતા તેઓ ઘટના સ્થળે પહોંચ્યા. ફાયર વિભાગના ત્રણ ફાયર ફાઈટરની મદદથી ભારે જહેમત બાદ આગ પર કાબૂ મેળવાયો. જો કે આગામાં કોઈ જાનહાનિ થઈ નથી. પરંતુ આગના પગલે સમગ્ર વિસ્તારમાં અફરા તફરીનો માહોલ સર્જાયો.
 

#Valdad માં કાજુ બનાવતી ફેક્ટરીમાં આગ
લીલાપોર ગામમાં આવેલી ફેક્ટરીમાં લાગી આગ
શોર્ટ સર્કિટના કારણે આગ લાગી હોવાનું પ્રાથમિક તારણ
આગમાં ફેક્ટરની માલ સામાન બળીને ખાખ
૩ ફાયર ફાઇટરની મદદ લેવાઈ
ભારે જહેમત બાદ આગ પર કાબૂ #Fire #Breaking pic.twitter.com/hmTihoKlRB

— VTV Gujarati News (@VtvGujarati) December 19 2018

આ મામલે મળતી જાણકારી મુજબ વલસાડ ખાતે આવેલ કાજુ બનાવતી ફેક્ટરીમાં ગત મોડી રાતે આગ લાગવાની ઘટના પ્રકાશમાં આવી હતી. આગ લાગવાને પગલે આસપાસના વિસ્તારમાં ભયનો માહોલ જોવા મળ્યો હતો. જો કે આ ઘટના અંગેની જાણકારી નજીકના ફાયર વિભાગને કરવામાં આવતા ફાયર બ્રિગેડના જવાનો તાત્કાલિક અસરથી ઘટના સ્થળે આવી પહોંચ્યા હતા. 

આપને જણાવી દઇએ કે આગ એટલી વિશાળ હોવાથી જોતજોતામાં ફેક્ટરીમાં પડેલ તમામ માલ-સામાન બળીને ખાખ થઇ ગયો હતો. આખરે 3 ફાયર ફાઇટરની મદદ દ્વારા આગ પર કાબૂ મેળવવામાં આવ્યો હતો. જો કે આગ ક્યાં કારણોસર લાગી તે અંગેનું કારણ હજી સુધી જાણી શકાયું નથી.