વલસાડમાં દબાણ શાખાના કર્મચારીની હપ્તો માંગતી ઑડિયો ક્લિપ વાયરલ થઈ હતી જેમાં તે લારી ધારક પાસે રૂપિયાની માંગણી કરી ગાળો આપી રહ્યો હતો
VTVના અહેવાલની અસર
લારી ધારક પાસે હપ્તાની માગનો મામલો
વિવાદિત એન્ક્રોચમેન્ટકર્મી સામે કાર્યવાહી
વલસાડ નગરપાલિકાના વિવાદિત અને હપ્તાખોર કર્મચારી મહેશ ચૌહાણ ની કરતૂતોનો પર્દાફાશ કર્યો હતો ત્યારે VTVના અહેવાલ બાદ ઉર્ફે મુન્ના ચૌહાણ ની તાત્કાલિક અસરથી બદલીના આદેશ કરવામાં આવ્યા છે સાથે જ આ પ્રકરણમાં વલસાડ નગરપાલિકાના ચીફ ઓફિસર એ તપાસ કમિટી ની રચના કરી છે.અને સમગ્ર પ્રકરણ મામલે ઊંડાણપૂર્વક તપાસ હાથ ધરી છે.
નગર પાલિકાના એન્ક્રોચમેન્ટ ઇન્સ્પેક્ટરની હોસ્પિટલ વિભાગમાં કરાઈ બદલી
મહત્વપૂર્ણ છે કે વલસાડ નગરપાલિકાના એન્ક્રોચમેન્ટ વિભાગમાં એન્ક્રોચમેન્ટ ઇન્સ્પેકટર તરીકે ફરજ બજાવતા મહેશ ચૌહાણ ઉર્ફે મુન્ના ચૌહાણનો આજે એક લારીધારક પાસેથી હપ્તો માંગતો હોવાની ઓડિયો ક્લિપ વાયરલ થઈ હતી.સાથે જ એન્ક્રોચમેન્ટ વિભાગ દ્વારા દબાણ કરતી લારીઓ અને પાથરણાવાળાઓ ના સામાન જપ્ત કર્યા બાદ પાલિકા પર રજૂઆત કરવા આવેલા લારીધારકો ની સામે બેફામ દાદાગીરી અને બીભત્સ ગાળાગાળી કરતા મહેશ ચૌહાણ નો વિડીયો પણ વાયરલ થયો હતો.
હપ્તાકાંડ મામલે પાલિકાએ કરી કમિટીની રચના
આમ વલસાડ નગરપાલિકાના કર્મચારી ના હપ્તાખોરી અને દાદાગીરી નો વિડીયો અને ઓડિયો વાયરલ થતાં જ શહેરમાં આ મુદ્દો ચર્ચાનું કેન્દ્ર બન્યો હતો.આથી વલસાડ નગરપાલિકાના ઇન્ચાર્જ ચીફ ઓફિસર શૈલેષ પટેલ એ તાત્કાલિક અસરથી પાલિકાના વિવાદિત અને હપ્તાખોર કર્મચારી મહેશ ચૌહાણ ઉર્ફે મુન્ના ચૌહાણની એક્રોચમેન્ટ વિભાગમાંથી હોસ્પિટલ વિભાગ માં બદલી કરી દીધી હતી. સાથે જ ઓડિયો અને વિડીયો માં થયેલ આક્ષેપો અંગે તપાસ કરવા અને કાયદેસરની કાર્યવાહી કરવાના ભાગરૂપે આ પ્રકરણમાં એક તપાસ કમિટીની પણ રચના કરવામાં આવી છે.તપાસ કમિટીની રચના કર્યા બાદ તેની તપાસના અંતે મહેશ ઉર્ફે મુન્ના ચૌહાણ વિરુદ્ધ કાયદેસરની કાર્યવાહી પણ કરવામાં આવશે.
મહેશ ચૌહાણે હપ્તા માગવાનો કેમરા સામે કર્યો હતો સ્વીકાર
વલસાડ નગરપાલિકાના મુન્ના ચૌહાણ નામના આ કર્મચારી અગાઉ પણ અનેક વખત વિવાદમાં આવી ચૂક્યો છે.જોકે આ વખતે લારીધારક પાસેથી હપ્તા માગતો ઓડિયો ક્લિપ વાયરલ થઈ હતી.સાથે જ લારિધરકો સાથ ગાળાગાળી અને દાદાગીરી કરતો વીડિયો પણ વાયરલ થયો હતો. આથી પાલિકાની છબી ખરડાઇ હતી.જોકે હવે પાલિકાના ચીફ ઓફિસરે આ મામલે તાત્કાલિક કાર્યવાહી કરી મુન્ના ચૌહાણની બદલીના આદેશ કરી અને તપાસ કમિટી પણ રચના કરતા પાલિકાના અન્ય કર્મચારીઓમાં ફફડાટ ફેલાયો છે.જોકે આ વિવાદિત કર્મચારી મુન્ના ચૌહાણ પોતે પણ કેમેરા સામે સ્વીકાર્યું હતું કે..તેણે લારી ધારક પાસેથી હપ્તા ની માંગણી કરી હતી