વલસાડના તિથલ બીચ પર એક લારીમાં બ્લાસ્ટ થયો હોવાનું સામે આવ્યું છે. જોકે આ બ્લાસ્ટની ઘટનામાં કોઈ જાનહાનિ થઇ નથી. વહેલી સવારે આ ઘટના બની હતી. અચાનક બ્લાસ્ટ થવાને કારણે આજુબાજુમાં રહેલા લોકોમાં ભયનો માહોલ છવાઇ ગયો હતો.
આ ઘટના અંગે મળતી વિગત મુજબ તિથલ બીચ પર રહેલ એક લારીમાં અગમ્ય કારણોસર બ્લાસ્ટ થતા લોકોમાં ભાગદોડ મચી જવા પામી હતી. અચાનક થયેલ બ્લાસ્ટના કારણે લારી સંપૂર્ણ બળીને ખાખ થઈ ગઈ હતી. બ્લાસ્ટની આ ઘટનામાં કોઈ જાનહાની થવાના સમાચાર પ્રાપ્ત થયા નથી. જો આ ઘટનાની સ્થાનિક પોલીસને જાણ કરવામાં આવતા ઘટનાસ્થળે પહોંચી હતી. પોલીસે પ્રાથમિક તપાસ હાથ ધરતા લારીમાં કોલસા સળગતા રહી જવાથી ગેસના સિલિન્ડરમાં બ્લાસ્ટ થયો હોવાની સંભાવના વ્યક્ત કરવામાં આવી છે.
આપને જણાવી દઇએ કે હાલ વેકેશનનો માહોલ ચાલી રહ્યો છે અને કેટલાક લોકો તિથલના દરિયા કાંઠે ફરવા જતા હોય છે. ત્યારે આજરોજ થયેલ અચાનક બ્લાસ્ટની ઘટનાને પગલે સહેલાણીઓમાં ભયનો માહોલ જોવા મળ્યો હતો. જો કે આ ઘટનામાં કોઇ જાનહાનિ થઇ નથી.