વલસાડ નજીક હાઈવે પરથી પસાર થતી એક ખાનગી લક્ઝરી બસની માંથી પોલીસે શંકાસ્પદ ઘી અને માવા નો જથ્થો ઝડપી પાડ્યો છે. પોલીસને મળેલી બાતમીને આધારે પોલીસ હાઇવે પરથી પસાર થતી બાલાજી ટ્રાવેલ્સ ની બસ ને રોકી અને તેમાં તપાસ કરી હતી.
પોલીસની તપાસમાં બસની પાછળની ડીકી અને બસની અંદર સીટો નીચે તપાસ કરતા શંકાસ્પદ ડબ્બા અને પોટલાં મલી આવ્યા હતા. જેની તપાસ કરતા પોલીસે 185 કિલો ઘી અને 300 કિલો માવાનો જતો ઝડપી પાડયો હતો.
પોલીસે આ બાબતે બસના ચાલક અને ક્લિનરને પૂછપરછ કરતા કોઈ સંતોષકારક જવાબ નહીં મળતા પોલીસે 185 કિલો ઘી અને 300 કિલો માવા નો જથ્થો જપ્ત કર્યો હતો. પોલીસની પ્રાથમિક તપાસમાં માવા અને ઘી મા ભેળસેળ ની આશંકા સેવાઇ રહી છે.
આથી પોલીસે તમામ જથ્થો જપ્ત કરી ઊંડાણપૂર્વક તપાસ હાથ ધરી હતી. પોલીસની પ્રાથમિક તપાસમાં ઘી અને માવા નો આ જથ્થો બનાસકાંઠા તરફથી મુંબઈના મલાડ તરફ લઈ જવાઈ રહ્યો હતો. જોકે પોલીસે આ મામલે બસના ચાલકની ધરપકડ કરી આગળની કાર્યવાહી હાથ ધરી હતી.