વલસાડ: પેટ્રોલ પુરાવવા આવેલ શખ્સોએ બંદૂકની અણીએ 94 હજાર લૂંટી થયા રફુચક્કર

વલસાડમાં પેટ્રોલ પંપમાં બંદૂક અને ચપ્પુની અણીએ લૂંટ ચલાવાની ઘટના સામે આવી છે. રોલા ગામ નજીક આવેલા પેટ્રોલપંપમાં બાઈકમાં સવાર લૂંટારાઓએ કર્મચારીઓને બંધક બનાવ્યા હતા અને બંદૂક તેમજ ચાપ્પુ બતાવીને ડરાવી-ધમકાવીને રૂપિયા 94 હજારની લૂંટ ચલાવી હતી. 

જો કે આ લૂંટની સમગ્ર ઘટના પેટ્રોલપંપમાં લાગેલા સીસીટીવી કેમેરામાં કેદ થઈ હતી. ઘટનાની જાણ થતા પોલીસ ઘટના સ્થળે આવી હતી અને સીસીટીવીના આધારે લૂંટારાઓને પકડી પાડવા માટે શોધ ખોળ શરૂ કરી હતી. તેમજ સમગ્ર વિસ્તારમાં નાકાબંધી પણ કરી હતી.

ઉલ્લેખનીય છે કે પ્રથમ બાઈક ચાલકોએ બાઇકમાં પેટ્રોલ પુરાવેલ અને ત્યાર બાદ પંપ પર ઉભેલા કર્મીને બંદૂક અને ચપ્પુ બતાવીને રૂપિયા 94 ૦૦૦ની રકમ લૂંટીને ફરાર થઇ જતા ચકરાર મચી જવા પામી હતી. આ ઘટના અંગેની જાણકારી નજીકના પોલીસ મથકે થતા તાત્કાલિક અસરથી પોલીસ કાફલો ઘટના સ્થળે પહોંચ્યો હતો.

પ્રાથમિક તપાસ હાથ ધરી હતી જો કે સ્થળ નિરીક્ષણ કર્યા બાદ પેટ્રોલપંપમાં લગાવવામાં આવેલ સીસીટીવી ફૂટેજ ચેક કરતા આ શખ્સો ઓળખાઇ ગયા હતા. જો કે આ શખ્સોની તસવીરો હાથ ધરીને પોલીસે તપાસ હાથ ધરી હતી.