તાઓસઃ ૮૦ વર્ષનાં વેલી ફંક વર્જિન ગેલેક્ટિકની પહેલી સ્પેસ ટૂર (space tour) માં સામેલ થશે. તે આ સમયની છેલ્લાં ૬૦ વર્ષથી રાહ જોઇ રહી છે. તાજેતરમાં તેના સંઘર્ષ પર વેલી ફંક્સ રેસ ફોર સ્પેસઃ ધ એકસ્ટ્રા ઓર્ડિનરી જર્ની ઓફ અ ફીમેલ એવિયેશન પાયોનિયર શીર્ષકનું પુસ્તક બજારમાં આવ્યું છે. પુસ્તકનાં લેખક સ્યુવ નેલ્સને વેલીની આ પ્રેરક યાત્રા અંગે દુનિયા (world) ને જાણકારી આપી છે. તેઓ કહે છે કે વેલીને જોઇ લાગે છે કે અત્યારે મોકો મળે તો તે સ્પેસ માટે રવાના થઇ જશે. આ ઉંમરમાં પણ તેઓનું જોશ સહેજ પણ ઓછું નથી.
૧.૪૦ કરોડ રૂપિયા ખર્ચીને તેણે વર્જિન કંપનીની સ્પેસ ટૂરની ટિકિટ લીધી છે. નવ વર્ષની ઉંમરમાં વેલીના પહેલા ફલાઇંગ કલાસ શરૂ થયા હતા. ફલાઇંગને લઇ તેની દીવાનગી એ રીતે સમજી શકાય છે કે તે આખો દિવસ લાકડાંનાં પ્લેન બનાવતી હતી. મિસોરીની સ્ટીફન કોલેજથી ફલાઇંગ લાઇસન્સ મળ્યા બાદ તેણે પ્લેન ઉડાડવાનું શરૂ કર્યું હતું. ત્યાર બાદ ઓકલાહો યુનિવર્સિટી ચાલી ગઇ, કેમ કે ત્યાં એવિયેશન ટીમ હતી.
આ પ્રોજેક્ટમાં પુરુષોની સાથે મહિલાઓને પણ મોકો આપવાની વાત કહેવાઇ હતી. વેલીએ પોતાની ઉપલિબ્ધઓ ગણાવી તો તેને પણ પ્રોજેક્ટમાં સામેલ કરી લેવાઇ. વેલી ઘણાં વર્ષ સુધી પોતાની ક્ષમતાઓ વિશે લખતી રહી. ૧૯૭૧માં ફેડરેશન એવિયેશન ઓથોરિટી માટે પહેલી મહિલા ઇન્સ્પેક્ટર બની. તે કહે છે કે પુરુષોના વર્ચસ્વવાળી દુનિયામાં મહિલાઓ પોતાની ક્ષમતા દ્વારા મુકામ મેળવી શકે છે. મહિલાઓએ હિંમત ન હારવી જોઇએ. વેલીએ પોતાના આ સપનાને હકીકતમાં બદલવા માટે લગ્ન પણ ન કર્યાં. જો તેે બાળકો અને પરિવારજનોની જવાબદારીમાં ફસાઇ જાત તો તે આગળ ન વધી શકત.