ગુજરાતમાં છાશવારે આગના બનાવો બને છે ત્યારે ખરેખર એમ થાય કે આવી લાપરવાહી શા કામની અને વળી જ્યાં આગ લાગી છે તે ભાજપના ધારાસભ્યની જગ્યા છે તેમાં તેમનું કહેવું એમ છે કે આ તો સામાન્ય વાત છે.
શ્યામ શિખર કોમ્પલેક્ષ ભાજપ નેતા વલ્લભ કાકડીયાનું
કોમ્પલેક્ષમાં લાગેલી આગને કાકડિયાએ સામાન્ય ગણાવી
મોબાઇલની 20 દુકાનો બળીને ખાક થતા કરોડોનું નુકસાન
ગેરકાયદેસર બાંધકામ કરાયું હોવાનો પણ આક્ષેપ
ભાજપના ધારાસભ્ય વલ્લભભાઇ કાકડિયાનું બેજવાબદાર ભર્યું નિવેદન સામે આવ્યું છે. શ્યામ શિખર કોપ્લેક્સની આગ એ વલ્લભ કાકડિયાને સામાન્ય આગ લાગી હતી. આ આગમાં 20 દુકાનો માલ-સામાન સહિત બળીને ખાખ થઈ ગઈ છે અને કરોડોનું નુકસાન ગયું છે પણ તેના માલિક અને જનતાના સેવક વલ્લભભાઈ કાકડીયાને આ બાબતે જાણે કંઈ ફેર જ નહોતો પડતો તેવું તેમનું વર્તન હતુ.
દુકાનદારોના કરોડોના નુકસાનને નાની બાબત ગણાવતા કાકડિયાએ
સ્થાનિકોએ ધારાસભ્ય વલ્લભ કકાડિયા સામે આક્ષેપ કર્યો છે કે, ગેરકાયદે બાંધકામને પરવાનગી આપ્યાને કારણે આ આગ લાગી હતી. બિલ્ડિંગમાં ફાયર સિસ્ટમ ઉપલબ્ધ પરંતુ ફાયર સેફ્ટીનો ઉપયોગ કરવાની સામાન્ય સ્થિતિમાં જ નથી. અગાઉ પણ આગની ઘટનાને સત્તાધીશોને સામાન્ય ગણાવી છે. શું સત્તાનું ભાન ભૂલેલા સત્તાધીશોને બેફામ બોલવાનું સર્ટિફિકેટ મળ્યું છે? અમદાવાદ રાજકોટના મેયરએ પણ આગની ઘટનાને સામાન્ય ગણાવી હતી.
બાપુનગર ખાતે આવેલા શ્યામ શિખર કોમ્પલેક્ષમાં ચાની કીટલીમાં ગેસનો બાટલો ફાટતા આગ લાગી હોવાની વિગત બહાર આવી છે. આ આગની ઝપેટમાં અંદાજે 20 જેટલી દુકાનો આવી ગઇ છે. આ કોમ્પલેક્ષમાં દુકાનોની ઉપર રહેણાંક વિસ્તાર પણ છે. જો કે સદ્દનસીબે મોટી જાનહાની ટળી છે.
જો કે VTV Newsના રિયાલટી ચેકમાં દુકાનદારોની લાલિયાવાડી સામે આવી છે. ફાયર સેફ્ટીના માર્ગો પર દુકાનોનું બાંધકામ જોવા મળ્યું છે. જ્યારે ગેરકાયદે બાંધકામને લીધે ફાયર સેફ્ટીના સાધનોનો ઉપયોગ મુશ્કેલ બન્યો છે. ફાયર સેફ્ટીના સાધનો પાસે બાંધકામ કરીને તાળા મારેલા જોવા મળ્યાં.
પ્રાપ્ત મળતી વિગત અનુસાર શહેરના બાપુનગર વિસ્તારમાં આવેલા શ્યામ શિખર કોમ્પલેક્ષમાં ભયંકકર આગનો બનાવ બન્યો છે. આ દૂર્ઘટનામાં 10 જેટલી મોબાઇલની દુકાન આગની ઝપેટમાં આવી છે.
બાપુનગરના શ્યામ શિખર કોમ્પલેક્ષમાં આગ લાગી હોવાની જાણ થતાં ફાયર બ્રિગેડની 5 ગાડીઓ ઘટનાસ્થળે પહોંચી છે. આગ બુઝાવાને લઇને કાર્યવાહી કરવામાં આવી રહી છે. જો કે આગના પગલે અફરાતફરીનો માહોલ જોવા મળ્યો.