'વેલેન્ટાઈન ડે' પ્રેમને વ્યક્ત કરવા માટેનો ખાસ દિવસ માનવામાં આવે છે. યુવક હોય કે યુવતીઓ આ દિવસને યાદગાર બનાવવા ઈચ્છે છે. સામાન્ય માનવીથી લઈને સેલેબ્સ પણ આ દિવસે લગ્ન જીવનની શરૂઆત કરીને 'વેલેન્ટાઈન ડે'ને યાદગાર બનાવી લેતા હોય છે. આજે આપણે ટેલિવૂડ અને બોલિવૂડના કેટલાક આવા ખાસ સ્ટાર્સની વાત કરીશું જેઓએ આ દિવસે લગ્ન કરીને પોતાની લાઈફને ખાસ બનાવી.
'વેલેન્ટાઈન ડે'ની ઉજવણી
ટેલિવૂડ અને બોલિવૂડ સ્ટાર્સે આ દિવસે કર્યા લગ્ન
'વેલેન્ટાઈન ડે'ના દિવસે લગ્નને કારણે રહ્યા છે ચર્ચામાં
એક્ટર અરશદ વારસી અને મારિયા ગોરેટ્ટી
બોલિવૂડ એક્ટર અરશદ વારસી અને મારિયા ગોરેટ્ટીએ પણ 14 ફેબ્રુઆરી 1999માં લગ્ન કર્યા. તેમની મુલાકાત 1991માં થઈ હતી. ત્યારબાદ બંને મળતા રહ્યા. 8 વર્ષ બાદ બંનેએ લગ્ન સંસાર માંડ્યો.
રુસલાન મુમતાઝ અને નિરાલી મહેતા
ટીવી સીરિયલ કહતા હૈ દિલ જી લે જરાના રુસલાન મુમતાઝ અને નિરાલી મહેતાની જોડી ખાસ રહી. તેઓએ 14 ફેબ્રુઆરી 2014માં કોર્ટ મેરેજ કર્યા હતા. ત્યારબાદ બંનેએ 2 માર્ચ 2014ના રોજ ગુજરાતી વિધીથી લગ્ન કર્યા હતા.
સંજય દત્ત અને રિયા પિલ્લઈ
બોલિવૂડ એક્ટર સંજય દત્ત અને રિયા પિલ્લઈ મુંબઈમાં 14 ફેબ્રુઆરી 1998માં મુંબઈમાં એક મંદિરમાં લગ્ન કર્યા હતા. આ સંજય દત્તના બીજા લગ્ન હતા. ત્યારબાદ બંનેના લગ્ન ટક્યા નહીં અને સાથે જ 2008માં તેમનો ઘરસંસાર તૂટી ગયો.
ટીવી એક્ટર રામ કપૂર અને ગૌતમી
આ કપલે પણ 'વેલેન્ટાઈન ડે'ના દિવસે લગ્ન કર્યા હતા. બંનેના લગ્ન 14 ફેબ્રુઆરી 2003ના રોજ થયા હતા. બંને સોશ્યિલ સાઈટ્સ પર એકમેકના ફોટો શેર કરતા રહે છે.
ટીવી સ્ટાર મંદિરા બેદી
મંદિરા પોતાની ફિટનેસને લઈને હંમેશા ચર્ચામાં રહે છે. મંદિરા પોતાના પતિ રાજ કૌશલ સાથે પોતાના ફોટો શેર કરતી રહે છે. તેણે 14 ફેબ્રુઆરી 1999માં લગ્ન કર્યા.