એવું માનવામાં આવે છે કે પ્રેમીઓ જે વાત બોલીને નથી કહી શકતા એ વાત એક ગુલાબ કહી દે છે. પણ તમે ક્યારેય વિચાર્યું છે કે 'રોઝ ડે' નાં દિવસે યુગલો એક બીજાને લાલ ગુલાબ જ કેમ આપે છે?
'રોઝ ડે' નાં દિવસે યુગલો એક બીજાને લાલ ગુલાબ જ કેમ આપે છે?
ગુલાબને ફૂલોનો રાજા માનવામાં આવે છે
લાલ રંગને જિંદગીમાં ઉત્સાહ, પ્રેમ અને ખુશીનું પ્રતીક માનવામાં આવે છે
દર વર્ષે 7 ફેબ્રુઆરીને 'રોઝ ડે' તરીકે મનાવામાં આવે છે. વેલેન્ટાઇન ડે ની શરૂઆત 'રોઝ ડે' થી થાય છે. રોઝ એટલે કે ગુલાબનું ફૂલ અને એ પણ લાલ ગુલાબનું ફૂલ. એવું માનવામાં આવે છે કે પ્રેમીઓ જે વાત બોલીને નથી કહી શકતા એ વાત એક ગુલાબ કહી દે છે. પણ તમે ક્યારેય વિચાર્યું છે કે 'રોઝ ડે' નાં દિવસે યુગલો એક બીજાને લાલ ગુલાબ જ કેમ આપે છે? ચાલો જાણીએ.
લાલ રંગ છે પ્રેમની નિશાની
ગુલાબને ફૂલોનો રાજા માનવામાં આવે છે. ગુલાબને એની સુંદરતા અને ખુશ્બુના લીધે પ્રેમનું પ્રતીક પણ માનવામાં આવે છે. લાલ રંગને જિંદગીમાં ઉત્સાહ, પ્રેમ અને ખુશીનું પ્રતીક માનવામાં આવે છે. એવું કહેવામાં આવે છે કે પ્રેમનો રસ્તો સરળ નથી હોતો, આ રસ્તા પર ફૂલની સાથે કાંટા પણ જોવા મળે છે. જીવનમાં ફૂલ અને કાંટા બંને આવતા હોય છે એટલે જ સ્નેહીજનો ને લાલ ગુલાબ આપતા રહો.
રંગબેરંગી ફૂલોનું મહત્વ
લાલ રંગના ફૂલની જેમ અન્ય રંગોના ફૂલોનું પણ એટલું જ મહત્વ હોય છે. તમે જેમને પ્રેમ કરો છો તેમને આ રંગોના ફૂલ પણ આપી શકો છો.
1. સફેદ ગુલાબ: તમારો કોઈ અંગત વ્યક્તિ સાથે ઝગડો થયો હોય તો તમે એને સફેદ ગુલાબ આપીને મનાવી શકો છો. સફેદ રંગને શાંતિનું પ્રતીક માનવામાં આવે છે.
2. પીળું ગુલાબ: પીળા રંગના ગુલાબને મિત્રતાનું પ્રતીક માનવામાં આવે છે. જો તમે કોઈ સાથે મિત્રતા કરવા માંગતા હોય તો તેમને પીળું ગુલાબ ગિફ્ટમાં આપો.
3. પિંક ગુલાબ: પિંક ગુલાબને કોઈ સેલિબ્રેસન માટે આપવામાં આવે છે. વેલેન્ટાઇન વીક દરમિયાન તમે તમારા માતા-પિતાને પિંક ગુલાબ આપી શકો છો.