વિચિત્ર ફરમાન / વેલેન્ટાઈન ડે પર કોલેજનો વિચિત્ર નિયમ, છોકરીઓથી છોકરાઓએ બે મીટર દૂર રહેવું

• પાકિસ્તાનની કોલેજમાં વિચિત્ર આદેશ
• કોલેજે વિદ્યાર્થીઓ માટે બનાવ્યા કડક નિયમ
• છોકરીઓથી બે મીટર રહેવું દૂર

પાકિસ્તાનની રાજધાનીની એક મેડિકલ કોલેજમાં પોતાના વિદ્યાર્થીઓને વેલેન્ટાઈન ડે પર વિચિત્ર ફરમાન જાહેર કરવામા આવ્યું છે. આ નિયમ મુજબ છોકરીઓને હિજાબ પહેરવા અને છોકરાઓને છોકરીઓથી બે મીટર દૂર રહેવાનું તથા નમાજવાળી સફેદ ટોપી પહેરીને આવવાનું રહેશે. 

વેલેન્ટાઈન ડેના કાર્યક્રમમાં જોડાવવું નહીં

એક રિપોર્ટમાં જણાવ્યા અનુસાર ઈસ્લામાબાદ ઈંટરનેશનલ મેડિકલ કોલેજમાં શનિવારે એક પરિપત્ર જાહેર કરવામાં આવ્યો હતો, જેમાં વિદ્યાર્થીઓને વેલેન્ટાઈન ડે સમારંભ અને તેની સાથે જોડાયેલી પ્રવૃતિઓ, જે યુવાનોને ખોટા રસ્તે લઈ જાય છે, તેમાં સામેલ થવાની ના પાડી દીધી છે. 

યુનિવર્સિટીએ ડ્રેસ કોડનું પાલન કરવા કહ્યું

પરિપત્રમાં કહેવાયું છે કે, તમામ વિદ્યાર્થીઓએ યુનિવર્સિટીના ડ્રેસ કોડનું પાલન કરવાનું રહેશે. જેમાં હિજાબની સાથે માથુ, ડોક અને છાતીનો ભાગ સારી રીતે ઢંકાયેલો હોવો જોઈએ. તમામ વિદ્યાર્થીઓએ નમાજ વાળી સફેદ ટોપી પહેરવાનો કડક આદેશ આપવામાં આવ્યો છે. 

વિદ્યાર્થીઓને આપી આ ચેતવણી

પરિપત્રમાં કહેવાયું છે કે, આ નિયમોનું પાલન નહીં કરનારા વિદ્યાર્થીઓને પકડવા માટે કોલેજ સ્ટાફ પ્રાંગણમાં ફરતા રહેશે. કોલેજના પરિપત્રનો હવાલાથી જાણવા મળ્યું છે કે, આ નિયમોનું ઉલ્લંઘન કરનારા પર દંડ લગાવામાં આવશે.