માંગરોળ / કલાકાર દેવાયત ખવડના ડાયરામાં વજુભાઈ વાળા પર નોટોનો વરસાદ કરીને કરાયું સન્માન, જુઓ VIDEO

• પૂર્વ રાજ્યપાલ વજુભાઈ વાળાનો સન્માન સમારોહ 
• માંગરોળમાં કારડીયા રાજપૂત સમાજે કર્યું સન્માન 
• કલાકાર દેવાયત ખવડનાં ડાયરામાં રુપીયાનો વરસાદ 

રાજકોટના પૂર્વ મેયર તરીકે '90ના દાયકામાં 'પાણી વાળા'મેયર તરીકે અપ્રતિમ લોક ચાહના ધરાવતા વજુભાઈ રૂડાભાઈ વાળા ,પછીથી રાજ્ય સરકારમાં નાણા વાળા મંત્રી થયા અને સૌથી વધુ બજેટ રજુ કરવાનો રેકર્ડ સ્થાપી દીધો. ગુજરાતના પૂર્વ નાણામંત્રી અને તાજેતરમાં કર્ણાટકના રાજ્યપાલપદેથી નિવૃત્ત થનારા વજુભાઈ વાળાનો એક સન્માન સમારોહ જુનાગઢના  માંગરોળમાં કારડિયા રાજપૂત સમાજ દ્વારા આયોજિત કરાયો હતો. આ પ્રસંગે યોજાયેલા લોકડાયરામાં કલાકાર દેવાયત ખવડે સપાકરુની રમઝટ બોલાવી હતી. આ વેળા વજુભાઈ વાળા મંચની આગળ ઊભા હતા ત્યારે  કારડીયા રાજપૂત સમાજના લોકોએ તેમના પર રૂપિયાની નોટોનો વરસાદ કર્યો હતો. અને સૂંડલામોઢે રૂપિયા ઊડ્યા હતા.

સૂંડલામોઢે ઉડ્યા રૂપિયા 

કર્ણાટકનાં પૂર્વ રાજ્યપાલ વજુભાઈના સન્માન બાદ,કળાકાર દેવાયત ખવડે સપાકરું ગાવાનું શરૂ કરતાં જ કારડિયા રાજપૂત સમાજના લોકો તાનમાં આવી ગયા  અને રૂપિયાની નોટોના બંડલો કાઢીને હવામાં ઉડાડવા લાગ્યા.દરમિયાન  વજુભાઈ વાળા મંચ  નજીક જ ઊભા  હતા તો  લોકો તેમના પર નોટોનો વરસાદ વરસાવ્યો. પાંચ જ મિનિટમાં વજુભાઈ વાળા  જ્યાં ઊભા હતા ત્યાં નીચે જમીન પર રૂપિયાની નોટોનો ઢગલો થઇ ગયો હતો. વજુભાઈ વાળા પોતાના આ રીતના સન્માનથી પ્રસન્નચિત જોવા મળ્યા હતા.