સિદ્ધિ / નાના ગામથી આવેલ આ યુવતી બની મિસ ઇન્ડિયા યુનિવર્સ

આ ખિતાબ જીતીને વૈષ્ણવીએ ફક્ત જિલ્લાનું નહીં પુરા પ્રદેશનું નામ રોશન કર્યું છે. વૈષ્ણવી સિંહ (20) BSc બીજા વર્ષની AFFT ફિલ્મ સીટી નોઈડાની વિદ્યાર્થીની છે. 

પરિવારના સભ્યોએ જણાવ્યું કે વૈષ્ણવી ભણવામાં ખૂબ હોશિયાર રહી છે અને તેને અન્ય પ્રવૃત્તિઓમાં પણ ખૂબ રુચિ રહી છે.

 મોડેલિંગમાં કારકિર્દી બનાવવાનું સપનું હતું

ભણવાની સાથે મોડેલિંગમાં કારકિર્દી બનાવવાના સપનાને પગલે તેણે મિસ ઇન્ડિયા માટેની તૈયારી શરૂ કરી હતી અને કોરોના કાળમાં તેને એવી અપેક્ષા નહોતી કે આ વખતે આ કાર્યક્રમ યોજાશે કે નહીં.

અભિનંદન આપવા તેના ઘરે પડાપડી

જો કે સમયસર ઇવેન્ટની શરૂઆત થઇ અને વૈષ્ણવીની તૈયારીઓ રંગ લાવી અને આખરે વૈષ્ણવીની પ્રતિભાએ તેને ઊંચો દરજ્જો આપ્યો જે જિલ્લા માટે ગૌરવની વાત બની છે.

મઉ જિલ્લાની વૈષ્ણવી સિંહને મિસ ઈન્ડિયા યુનિવર્સ 2020નો ખિતાબ મળવાથી તેને અભિનંદન આપવા તેના ઘરે પડાપડી થઇ રહી છે. આ અંગેની માહિતી મળ્યા બાદ પિતા ડોક્ટર એચ એન સિંહ પટેલ તેમની પુત્રીની સફળતાથી ઉત્સાહિત છે. તેમણે કહ્યું કે હવે તેણે ભવિષ્યની તૈયારી શરૂ કરી છે જેથી વૈશ્વિક સ્તરે દેશનું નામ રોશન થઈ શકે.