વધુ એક બાળકી પીંખાઈ / વડતાલ મંદિરના પાર્ષદ સોહમ ભગતે બાળકી પર આચર્યુ દુષ્કર્મ, આંટો મારવા લઈ જવાને બહાને બનાવી હવસનો શિકાર

• વડતાલ મંદિરના પાર્ષદ સોહમ ભગતે બાળકી પર આચર્યુ દુષ્કર્મ
• ચકલાસી પોલીસે 47 વર્ષના પાર્ષદ સોહમ ભગતની કરી ધરપકડ
• આરોપી પાર્ષદને મેડિકલ ટેસ્ટ માટે લઇ જવાયો

વડતાલ મંદિર ફરી એકવાર વિવાદમાં આવ્યું છે. વડતાલ પાર્ષદે દર્શને આવેલ બાળકી પર દુષ્કર્મ આચર્યું હોવાની ઘટના સામે આવાત ચકચાર મચી છે. બાળકીને આંટો મારવા લઈ જવાનું કહી હવસખોર પાર્ષદ સોહમ ભગતે બાળકીને પોતાની હવસનો શિકાર બનાવી હતી. રાવલી રોડ પરની અવાવરું જગ્યા પર લઈ જઈ આરોપી પાર્ષદે બાળકી સાથે દુષ્કર્મ આચર્યુ હતુ. 

બાળકીને આંટો મારવા લઈ જવાનું કહી આચર્યું દુષ્કર્મ
વડતાલ મંદિર અનેક વખત વિવાદના ઘેરામાં સપડાઈ ચૂક્યું છે ત્યારે પણ આ વખતનો વડતાલ મંદિરના પાર્ષદે કરેલા કૃત્યને કારણે વડતાલ ધામ ચર્ચામાં આવ્યું છે. મળતી માહિતી મુજબ વડતાલ પાર્ષદે દર્શન કરવા આવેલ બાળકીને ફોસલાવીને દુષ્કર્મ આચર્યું હોવાની ફરિયાદ કરવામાં આવી છે. નરાધમ હવસખોર પાર્ષદે પોતાની હવસને સંતોષવા માટે બાળકીને 
આંટો મારવા લઈ જવાનું કહી મંદિરની બહાર લઈ ગયો હતો, જે બાદ રાવલી રોડ પરની અવાવરું જગ્યા પર બાળકી પર દુષ્કર્મ આચર્યું હતું. અને બાળકીને ત્યાં જ છોડી ચાલ્યો ગયો હતો. બાળકીની હાલત પરથી પરિવારને જાણ થઈ હતી કે કઈક ખોટું થયું છે જે બાદ પરિવારને સમગ્ર ઘટનાની જાણ થતાં જ પોલીસ ફરિયાદ કરવામાં આવી હતી. પોલીસ તાત્કાલિક આરોપી પાર્ષદને ઝડપી પાડવા ચક્રો ગતિમાં કર્યા હતા. જે બાદ ચકલાસી પોલીસે 47 વર્ષના પાર્ષદ સોહમ ભગતની કરી ધરપકડ કરી આગળની કાર્યવાહી હાથ ધરી છે. 

આરોપી પાર્ષદને મેડિકલ ટેસ્ટ માટે લઇ જવાયો
હવસનો શિકાર બનેલી બાળકીનો પરિવાર ન્યાયની માંગ કરી રહ્યો છે ત્યારે પોલીસે 47 વર્ષના પાર્ષદ સોહમ ભગતે કાર્યવાહી કરી જેલ ભેગો કરી દીધો છે બીજી તરફ સમગ્ર ઘટના પરથી કાયદાકીય રીતે પરદો ઉઠાવવા આરોપી પાર્ષદને મેડિકલ ટેસ્ટ માટે લઇ જવામાં આવ્યો છે જ્યાં તેનું મેડિકલ ચેક કરવામાં આવશે જે બાદ આરોપી સજા મળે તે માંગે કોર્ટમાં પેશ કરવામાં આવશે ત્યારે પરિવાર હવસખોર પાર્ષદ સોહમ ભગતને કડકમાં કડક સજા થાય તેવી માંગ કરી રહ્યો છે. બીજી તરફ તડતાલ મંદિર ટ્રસ્ટે ઘટનાની ગંભીર નોંધ લઈ દર્શને આવતા નાના ભૂલકાઓની સુરક્ષા વધારી દીધી છે અને આરોપી પાર્ષદને મંદિર માંથી બરતરફ કરવામાં આવ્યો છે. પોલીસ પણ નરાધમ મંદિરના નોકરને વધુ સજા થાય અને બાળકીને ન્યાય મળે તે માટે ચાર્જસીટમાં બને તેટલી તમામ કલમો પાર્ષદ વિરુધ્ધ દાખલ કરવામાં આવી છે.