છેતરપિંડી / LRDમાં નોકરી મળી જશે તેવી લાલચમાં ફસાઈ ન જતા, યુવક સાથે જે બન્યું તે જાણીને પગ નીચેથી જમીન સરકી જશે

• સરકારી નોકરીના લાલચમાં તમે આવું ન કરતા 
• વડોદરામાં એક યુવક સાથે થઇ રૂા.6 લાખની છેતરપિંડી 
• યુવકે  LRDમાં નોકરી લેવા માટે 6 લાખ રૂપિયા આપ્યા હતા

અવાર નવાર નોકરી આપવામાન બહાને છેતરપિંડીની ઘટના સામે આવતી હોય છે ત્યારે આવી જ એક ઘટના વડોદરામાં સામે આવી છે. જેમાં ભેજાબાજોએ એલઆરડીમાં નોકરી અપવવાના લાલચ આપીને 6 લાખ રૂપિયાની ઠગાઈ કરવામાં આવી છે.

LRDમાં નોકરી આપવવાના બહાને છેતરપિંડી 

મહાનગરપાલિકામાં નોકરી આપવાની લાલચ આપીને NGO ચલાવતી બે મહિલાઓએ માતબર રકમ પડાવી લીધે છે, આ મહિલાઓએ મહાનગરપાલિકાના લોગો અને અધિકારીઓના બોગસ સહી કરી મનપામાં કાયમી નોકરી લગાવી આપવાનું કહેવામાં આવ્યું હતું જે બાદ તેમણે ફરિયાદી પાસે 9.70 લાખ રૂપિયાનો તોડ પાડી તેમની સાથે ઠગાઈ કરી હતી 

ભેજાબાજે પોતાને નિવૃત્ત અધિકારી તરીકે ઓળખણ આપી હતી.  

વડોદરામાં એક યુવકને LRDમાં નોકરી અપાવવાની લાલચ આપીને ગાંધીનગર ખાતે રહેતાં બરકતઅલી ઉર્ફે બકુલે યુવક પાસે મતબાર રકમ પડાવી લીધી છે. બરકતઅલી યુવકને પોતાને  નિવૃત્ત સેક્સન અધિકારીના નામે  ઓળખ આપી હતી. ત્યાર બાદ એલઆરડીમાં નોકરી અપાવવાના બહાને રૂપિયા 6 લીધા હતાં. ત્યાર બાદ બરકતઅલી એ યુવકને તેનું નામ વેઈટિંગ લીસ્ટમાં છે. તે કહીને ગોળ ગોળ ફેરવ્યો હતો.બાદમાં જ્યારે યુવકને માલુમ થયું કે, તેની પાસે છેતરપિંડી થઈ છે. જેથી યુવકે બરકતઅલી પાસે પોતે આપેલા પૈસાની માંગણી કરી હતી. 

યુવકે ચેકબાઉન્સ થતાં કોર્ટમાં અરજી કરી 

બરકતઅલીએ યુવકને રૂપિયા ન આપ્યાં હતાં. બાદમાં યુવકે બરકતઅલી સામે પોલીસ સ્ટેશનમાં ફરિયાદ કરી હતી. જે બાદ પોલીસ સ્ટેશનમાં આ અંગે સમાધાન પણ કરવામાં આવ્યું હતું. અને યુવકે રૂપિયા 1 લાખ પરત આપ્યાં હતાં. અને બાકીના રૂપિયા ચેક મારફતે આપશે તેમ જણાવ્યું હતું. બાદમાં બરકતઅલીએ રૂા.5 લાખોનો ચેક તે યુવકને આપ્યો હતો. જે બાદ  યુવકે આ ચેક બેંકમાં જમા કરવ્યો હતો. જ્યાં તે ચેક બાઉન્સ થયો હતો. જ્યાર બાદ યુવકે બરકત અલી પાસેથી આ અંગે વારંવાર ધ્યાન દોરીને પોતાના પૈસાની માંગણી કરી હતી. તેમ છતાં બરકતઅલી આ મામલે કોઈ પ્રતિક્રિયા ન આપતાં યુવકને આજ દીન સુધી નાણાં પરત મળ્યા ન હતાં.  જેને લઈને યુવકે ન્યાય અંગે કોર્ટમાં અરજી કરી હતી