વડોદરા પંથકમાં વધુ એક વિદ્યાર્થીનીની છેડતીની રાવ ઉઠતા ચકચાર મચી જવા પામી છે. શિક્ષણને શાર્મચાર કરતી આ ઘટનામાં વાઘોડીયાની હાઇસ્કુલના કલાર્કે 13 વર્ષની વિદ્યાર્થીનીની છેડતી કરી હોવાની રાવ ઉઠી છે. બદમાશ કલાર્કે ભર બજારમાં વિદ્યાર્થીનીનો હાથ પકડી છેડતી કરી હતી. જેને લઈને અનેક સવાલો ઉભા થયા છે.
ગુજરાતના શિક્ષણજગતને શર્મસાર કરતો વધુ એક કિસ્સો સામે આવતા હાહાકાર મચી જવા પામ્યો છે. ટ્રાફિકથી ધમધમતા માર્ગ વચ્ચે ક્લાર્કે બેખોફ થઈ વિદ્યાર્થિનીને પૈસા આપી ફરવા જવાની ઓફર કરી હતી. ત્યારબાદ આ મામલે વિદ્યાર્થીનિએ પરિવારજનોને જાણ કરતા પરિવાર જરોદ પોલીસ સ્ટેશન ખાતે દોડી ગયો હતો. જ્યા આરોપી ગણપત ભાલિયા નામના ક્લાર્ક વિરુદ્ધ ફરિયાદ નોંધાવતા પોલીસે તપાસ શરૂ કરી છે. પોલીસે છેડતી અને પોક્સોની કલમ હેઠળ ગુન્હો નોંધી તપાસ આગળ ધપાવી છે.
ઉલ્લેખનિય છે કે તાજેતરમાં વડોદરાની એમ.એસ.યુનિવર્સિટીમાં છેડતીની ફરિયાદ નોંધાઇ હતી. વિદ્યાર્થિનીએ સયાજીગંજ પોલીસ મથકે છેડતીની ફરિયાદ નોંધાવી હતી.જેને લઈને સત્તાધીશોએ સાત સિન્ડિકેટ સભ્યોની કમિટી બનાવી હતી. ત્યારબાદ આ પ્રકરણમાં સંડોવાયેલ કોમર્સ ફેકલ્ટીના અબુ તાલીબ પઠાણ , રિયાન કય્યુમ પઠાણ, અને શાહીદ મુસ્તકીન શેખને સસ્પેન્ડ કર્યા છે.