ભારે વિવાદ / વડોદરાની સ્ટર્લિંગ હોસ્પિટલ વધુ વિવાદોમાં ઘેરાઈ, કુલ 11 લોકોએ હવે ગંભીર આક્ષેપો સાથે પોલીસમાં ફરિયાદ નોંધાવી

• વડોદરાની સ્ટર્લિગ હોસ્પિટલનો વિવાદ વકર્યો 
• કુલ 11 લોકોએ હોસ્પિટલ સામે ફરિયાદ નોંધાવી 
• હોસ્પિટલની ઉઘાડી લૂંટ સામે લોકોમાં રોષનો માહોલ 

વડોદરાની સ્ટર્લિગ હોસ્પિટલનો વિવાદ હવે દિવસેને દિવસે વધું વકરી રહ્યો છે. કુલ 11 દર્દીઓના સગાઓએ હવે ફરિયાદ નોંધાવી છે કે હોસ્પિટલ દ્વારા તેમની સાથે ઉઘાડી લૂંટ કરવામાં આવી છે. જેમા દર્દીઓના સગાઓએ ક્રાઈમ બ્રાન્ચમાં ફરિયાદ નોંધાવી છે. 

વડોદરાના અશ્વિન ભાઈ હોસ્પિટલમાં થયા હતા દાખલ 

વડોદરામાં રહેતા અશ્વિન ભાઈ પટેલે ફરિયાદ નોંધાવતા કહ્યુ કે તેઓ પહેલા પ્રાણાયામ હોસ્પિટલમાં દાખલ થયા હતા. જોકે તેમને વધારે કોઈ ફરક ન પડ્યો જેના કારણે તેઓ સ્ટર્લિગ હોસ્પિટલમાં દાખલ  થયા હતા.

દોઢ મહિનાની સારવારના 35 લાખ વસૂલ્યા 

આપને જાણીને નવાઈ લાગશે કે સ્ટર્લિંગમાં તેમની દોઢ મહિનો સારવાર કરવામાં આવી અને આ સારવારમાં બદલ તેમની પાસેથી 35 લાખ રૂપિયા લેવામાં આવ્યા હતા તેવો તેમણે આક્ષેપ કર્યો છે. જેમણે આ સમગ્ર મામલે પોલીસ તટસ્થ તપાસ કરાવી તેમના પૈસા પરત અપાવે તેવી માગ કરી છે. 

ગઈકાલે એક વૃદ્ધાએ પણ ફરિયાદ નોંધાવી હતી 

ઉલ્લેખનીય છે કે ગઈકાલે પણ વડોદરાના વસંતીબેને પણ સ્ટર્લીંગ હોસ્પિટલ સામે આક્ષેપ કર્યા હતા કે તેમના પુત્ર સારવાર માટે સ્ટર્લિંગ હોસ્પિટલે તેમની પાસેથી 27 લાખ રૂપિયા વસૂલ્યા હતા. તેમ છતા પણ તેમનો પુત્ર ન બચી શક્યો . જેથી વૃદ્ધાએ એવી માગ કરી હતી કે તેમની પાસેથી જે ખોટા રૂપિયા વસૂલવામાં આવ્યા છે તે પરત આપવામાં આવે.