વડોદરામાં યુવાન નશાકીય પ્રવૃત્તિ કરતા હોય તેવો વિડીયો સામે આવતા પોલીસ પણ સફાળી જાગી છે. તો બીજી તરફ નશાના વધતા દૂષણ સામે લોકોમાં પણ ચિંતા જોવા મળી રહી છે.
વડોદરામાં નશાકીય પ્રવૃત્તિમાં વધારો
વડોદરાના યુવાનો નશાના રવાડે
નશાકીય પ્રવૃત્તિનો વીડિયો વાયરલ
ગુજરાતમાં ગાંજા-ડ્રગ્સનું દૂષણ દિવસેને દિવસે વકરી રહ્યું છે. જેને અટકાવાવા પોલીસ પણ સતર્ક બની કાર્યવાહી કરી રહી છે. તેવામાં વડોદરામાં નશાકીય પ્રવૃત્તિ કરતા યુવાનનો વિડીયો વાયરલ થતા લોકોમાં સવાલો ઊભા થયા છે.વિડીયોમાં યુવાન નશીલા પદાર્થને રેપરમાં ભરતો હોવાનું અને સિગારેટના કસ ખેંચતો હોવાનું દ્રશ્યમાંન થાય છે.
જાહેરમાં સિગારેટના કસ ખેંચતા યુવાનો
વાયરલ વીડિયો વડોદરા શહેરના સુભાનપુરા વિસ્તારનો હોવાની આશંકા સેવાઈ રહી છે. નશીલા પદાર્થ ભરી યુવાન સિગારેટના કસ ખેંચતા હોવાનું વિડીયોમાં સ્પષ્ટ પણે નજરે પડે છે. મહત્વનું છે કે ચરસ, ગાંજો, ડ્રગ્સ સહીતના નશીલાપ પદાર્થો સ્વાસ્થ્ય અને અત્યંત જોખમી હોવાથી મનોચિકિત્સક ડૉક્ટર યોગેશ પટેલે પણ ચિંતા વ્યક્ત કરી છે અને વડોદરામાં નાશાના રવાડે ચડતા યુવાનોને ઉગારવા માટે દૂષણને તાત્કાલિક ધોરણે નાથવાની માગ કરી છે.