વડોદરા: વાઘોડિયા ખાતે આવેલી પારુલ યુનિવર્સિટીમાં યુદ્ધ ટોક્સ નામની ઇવેન્ટનું આયોજન કરવામાં આવ્યું હતું. જે દરમિયાન જાણીતી હસ્તીઓએ યુનિવર્સિટીના વિદ્યાર્થીઓને અલગ અલગ વિષયો પર વ્યક્તવ્ય આપી પ્રોત્સાહિત કર્યા હતા.
આ ઇવેન્ટનું આયોજન શૈક્ષણિક અભ્યાસ સાથે સામાન્ય જીવન જીવવા માટે કેટલીક બાબતોની જરૂરિયાતો અંગે સમજણ આપવા કરવામાં આવેલ.
આ ઈવેન્ટના માધ્યમથી વિદ્યાર્થીઓને મોટીવેટ કરવાના ઉદ્દેશ સાથે જાણીતી હસ્તીઓને આમંત્રિત કરવામાં આવી હતી. જેઓએ અલગ અલગ વિષય સાથે વિદ્યાર્થીઓને પ્રોત્સાહિત કર્યા હતા.
આ ઇવેન્ટમાં જાણીતા ફિલ્મ કલાકાર શિશિર શર્મા પૂર્વ મિસિસ ઇન્ડિયા શિલ્પા ભગત આર.જે ક્ષિતીજ મેજર સુરેન્દ્ર પુનિયા જાણીતા યુવા સ્ટેન્ડિંગ કોમેડિયન ઓમ ભટ્ટ મ્યુઝિક ડિરેક્ટર આરીષ સીંઘ સાયકોલોજીસ્ટ રિદ્ધિ દોશી તથા યુથ ટોક્સના ફાઉન્ડર કેતકી મેહતા ખાસ ઉપસ્થિત રહ્યા હતા.
પારૂલ યુનિવર્સિટી ખાતે યોજાયેલ આ ઇવેન્ટ દરમિયાન ઉપસ્થિત મહેમાનોએ અલગ અલગ વિષય સાથે વિદ્યાર્થીઓને પ્રોત્સાહિત કરતી સંબોધન કર્યું હતું અને ત્યારબાદ વિદ્યાર્થીઓએ પોતાની મૂંઝવતા પ્રશ્નો ઉપસ્થિત મહેમાનો ને પૂછ્યા હતા હતા.
જે બાબતે જાણીતા બોલિવુડ કલાકાર શિશિર શર્માએ જણાવ્યું હતું કે આ યુનિવર્સિટીના વિદ્યાર્થીઓએ પૂછેલા પ્રશ્નો એ મને મારો ભૂતકાળ યાદ કરાવ્યો હતો.