વડોદરામાં વકીલ મંડળમાં પ્રમુખ પદ માટે આજે ત્રિપાંખિયાનો રસાકસી ભર્યો જંગ યોજાયો છે. આ ચૂંટણીમાં પ્રમુખ ઉપ પ્રમુખ સહિત કમિટી સભ્યો નવી કોર્ટ બિલ્ડીંગના એડવોકેટ હાઉસમાં મતદાન કરશે. આ ચૂંટણીમાં 2198 વકીલો મતદાન કરશે. સાંજ 6 કલાક બાદ મતગણતરીનો પ્રારંભ થશે. પોલીસના ચુસ્ત બંદોબસ્ત વચ્ચે ચૂંટણી યોજાશે.
આપને જણાવી દઇએ કે વકીલમંડળની યોજાયેલ ચૂંટણીમાં કુલ ૪૭ ઉમેદવારોએ ઉમેદવારીપત્રો ભર્યા હતા. જે પૈકીના લાયબ્રેરી સેક્રેટરી અને ટ્રેઝરરની પોસ્ટ માટે પણ બે ઉમેદવારીપત્રો ભરનાર પૈકી એક ઉમદવારે પોતાનું ઉમેદવારી પત્ર પરત ખેંચ્યું છે. જેથી ટ્રેઝરરની એક પોસ્ટ માટે હવે સીધો જ જંગ જામશે.
આજરોજ વહેલી સવારથી મતદાનનો પ્રારંભ થયો હતો. જેમાં ૨૧૮૯ વકીલો મતદાન કરવાના છે. વડોદરાની નવી કોર્ટ બિલ્ડીંગના એડવોકેટે હાઉસ ખાતે આજરોજ આ મતદાન યોજાઇ રહ્યું છે. જે સાંજ 6 વાગ્યા સુધી ચાલશે. ચૂંટણીને પગલે કોઇ અણબનાવ ના બને તે માટે સ્થાનિક પોલીસ દ્વારા ચાંપતો બંદોબસ્ત પણ ગોઠવવામાં આવ્યો છે.