માઠા સમાચાર / જો જો વરસાદમાં નહાવા જતા પહેલા આ વાંચી લો, ક્યાંક મજા મરણમાં ન પરિણમે

• આવનારા પાંચ દિવસ વધુ વરસાદની આગાહી
• વિજળી પડવાથી થયું મોત
• શારદાબેન વરસાદમાં મકાનની અગાસી પર ન્હાવા ચઢ્યા હતા

ગઈકાલે મોડી સાંજે વીજળીના કડાકા ભડાકા સાથે વરસેલા વરસાદમાં 45 વર્ષીય મહિલા પર વીજળી પડતા તેમનું મોત નીપજ્યું હતું. 

વાઘોડિયા પોલીસના જણાવ્યા અનુસાર, વિસ્તારમાં આવેલી આનંદ નગરીમાં ઝુંલેમાં પાર્ક સોસાયટીમાં નવા મકાનો બની રહ્યા છે .આ મકાનોમાં મજૂરી કામ કરતી 3 સંતાનની માતા શારદાબેન વસાવાનું વિજળી પડવાથી મોત થયું છે. 45 વર્ષની મહિલાએ પોતાની જીંદગી ગુમાવી છે. 

શારદાબેન વરસાદમાં મકાનની અગાસી પર ન્હાવા ચઢ્યા હતા. ત્યારે અચાનક વીજળી પડતા ગંભીર રીતે ઇજાગ્રસ્ત થયા હતા. સ્થાનિકોએ 108ને કોલ કરતા 45 મિનિટ સુધી એમ્બ્યુલન્સ ન આવતા આખરે સ્થાનિકોએ ખાનગી વાહનમાં મહિલાને હોસ્પિટલમાં પહોંચાડતા ડોક્ટરોએ મહિલાને મૃત જાહેર કરી હતી.