નુકસાન / 250થી વધુ વ્હીકલ.. કિંમત દોઢ કરોડથી વધારે, વડોદરામાં TVSના શો-રૂમમાં લાગી વિકરાળ આગ

વડોદરામાં મધરાત્રે TVS ના શો-રૂમમાં વિકરાળ આગ લાગી હતી. ઘટનાની જાણ થતા ફાયર વિભાગની 10 ગાડીઓ દોડી ગઈ હતી. 3 કલાકની ભારે જહેમત બાદ ફાયર કર્મીઓએ આગ કાબૂમાં કરી હતી. દુર્ઘટનામાં 250 થી વધુ ટુ-વ્હીલર બળીને ખાખ થઈ ગયા હતા. ત્યારે શો-રૂમ માલિકને અંદાજે દોઢ કરોડથી વધુનું નુકસાન થયું છે. સિંધવાઈ માતા રોડ પ્રતાપનગરમાં TVS નો શો-રૂમ આવેલો છે. આગ ક્યાં કારણોસર લાગી તે હજુ સ્પષ્ટ થયું નથી.

કરોડોનું નુકસાન

શો-રૂમના માલિક ઉજ્જવલ તલાટીએ જણાવ્યું હતું કે, અમારા શો-રૂમમાં 125 જેટલા નવા ટુ-વ્હીલર તેમજ અન્ય સર્વિસમાં આવેલા ટુ વ્હીલર મળી 250 જેટલા ટુ-વ્હીલર આગમાં બળી જવા પામ્યા છે. ટુ વ્હીલરનું દોઢ કરોડનું નુકશાન થયું છે. જ્યારે સ્પેરપાર્ટસ સહિત અન્ય માલ સામાન મળી કુલ બે કરોડથી વધુનું નુકસાન થયું હોવાનું જણાવ્યું હતું.

વધુ વાંચોઃ રાજકોટમાં કોલેરાનો વધુ એક કેસ નોંધાતા તંત્રમાં દોડધામ, શહેરનો આ વિસ્તાર કોલેરાગ્રસ્ત જાહેર

વીજ પુરવઠો બંધ કરી દીધો

આગ લાગ્યાનાં સમાચાર મળતાની સાથે જ પોલીસ વિભાગ, વીજ કંપનીનાં કર્મચારીઓ તેમજ ફાયર ફાઈટરની ટીમો ઘટનાં સ્થળે પહોંચી આગને ઓલવવાની કામગરી હાથ ધરી હતી. તેમજ વીજ કંપની દ્વારા તાત્કાલીક ધોરણે વીજ પુરવઠો બંધ કરી દીધો હતો. ત્યારે આગ ક્યાં કારણોસર લાગી તે હજુ અકબંધ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ