વડોદરા: ભાજપના મહિલા મોરચાની આજે બેઠક લોકસભાની ચૂંટણી મુખ્ય એજંડા

વડોદરા: વર્ષ 2019માં યોજાનારી લોકસભાની ચૂંટણી પૂર્વે ભાજપ મહિલા મોરચાએ કમાન સંભાળી લીધી છે. વડોદરામાં આજે મહિલા મોરચાની કારોબારીની એક બેઠક યોજાશે. જેમાં રાષ્ટ્રીય મહિલા મોરચાના અધ્યક્ષ વિજ્યા રાહતકર ઉપસ્થિત રહેશે અને મહિલા કાર્યકરોને ચૂંટણી લક્ષી જરૂરી માર્ગદર્શન આપશે.

ઉલ્લેખનીય છે કે ગાંધીનગર સ્થિત પ્રદેશ કાર્યાલય કમલમમાં બેઠક મળી હતી. આ બેઠકમાં આગામી લોકસભાની ચૂંટણી અંગેના રોડમેપ અંગે ચર્ચા વિચારણા કરવામાં આવી હતી.

જેમાં પક્ષના વિવિધ મોર્ચાના અધ્યક્ષ હોદ્દેદારો પણ હાજર રહ્યા હતા. ઉપરાંત આ બેઠકમાં આગામી કાર્યક્રમોની પણ ચર્ચા વિચારણા પણ હાથ ધરવામાં આવી હતી. ત્યારે આજે સંસ્કારી નગરી વડોદરા ખાતે ભાજપની મહિલા મોરચાની બેઠક મળવા જઇ રહી છે.

આ બેઠકમાં આગામી વિધાસનભાની ચૂંટણી અંગેની ચર્ચા પર ભાર આપવામાં આવશે. આ સાથે મહિલા કાર્યકરોને ચૂંટણીલક્ષી જરૂરી માર્ગદર્શન આપવામાં આવશે આ બેઠકમાં ભારતીય જનતા પાર્ટીના મહિલા મોરચાના અધ્યક્ષ વિજ્ય રાહતકર ખાસ હાજર રહેવાના છે.