21 ગન સેલ્યુટ હેરિટેજ એન્ડ કલ્ચરલ ટ્રસ્ટ દ્વારા વડોદરામાં વિન્ટેજ કાર રેલી યોજાઈ હતી. વડોદરાના લક્ષ્મી વિલાસ પેલેસથી સ્ટેચ્યુ ઓફ યુનિટી સુધી વિન્ટેજ કાર રેલી યોજાઈ હતી.
વડોદરામાં વિન્ટેજ કાર રેલીનું આયોજન
સેલ્યુટ હેરિટેજ એન્ડ કલ્ચરલ ટ્રસ્ટે આયોજન કર્યું
75 કાર ચાલકોએ કાર રેલીમાં ભાગ લીધો
વડોદરા ખાતે વિન્ટેજ કાર રેલીનું જાજરમાન આયોજન કરવામાં આવ્યું હતું. 21 ગન સેલ્યુટ હેરિટેજ એન્ડ કલ્ચરલ ટ્રસ્ટ દ્વારા વિન્ટેજ કાર રેલી યોજાઈ હતી. વડોદરાના લક્ષ્મી વિલાસ પેલેસથી સ્ટેચ્યુ ઓફ યુનિટી સુધી વિન્ટેજ કાર રેલી યોજાઈ હતી. જે વિન્ટેજ કાર રેલીમાં 75 કાર ચાલકોએ કાર સાથે રેલીમાં ભાગ લીધો હતો. જેનું મહારાજા સમરજિતસિંહ ગાયકવાડએ ફ્લેગ ઓફ કરાવ્યું હતું.
વિન્ટેજ કાર રેલીને મહારાજા સમરજિતસિંહ ગાયકવાડએ ફ્લેગ ઓફ કરાવ્યું
આ રેલીમાં કેટલીક દુર્લભ વિન્ટેજ કાર 1922 ડેમલર, 1938 રોલ્સ-રોયસ 25/30, 1911 નેપિયર, 1933 પેકાર્ડ v12 સહિતની કાર જોડાઈ હતી. ગુજરાતના પર્યટન વિભાગના સહયોગથી આયોજિત કાર રેલીમાં 105 વર્ષ જુની 1917 ની ફોર્ડ કાર સહિતના દેશી કારના શોખીનો અને ઉદ્યોગપતિઓ જોડાયા હતા. આ રેલીમાં મહારાણી રાધિકારાજે ગાયકવાડ સહિત મહાનુભાવો ઉપસ્થિત રહ્યા હતા. ત્યારબાદ લક્ષ્મી વિલાસ પેલેસમાં જ 6 થી 8 જાન્યુઆરી સુધી એક્ઝિબિશન યોજાશે. 3 દિવસ સુધી યોજાનારા આ એક્ઝિબિશનમાં 200 જેટલી વિન્ટેજ કારો, જૂની બાઇકો રાખવામાં આવશે.
વિન્ટેજ કાર રેલીમાં 75 કાર ચાલકોએ ભાગ લીધો
જેમાં દિલ્હીના જાણીતા એડવોકેટ અને કાર કલેક્ટર દિલજિત ટિટસની કાર ઉપરાંત જામનગરના ડી.એમ.જાડેજાની સનબીમ રેપિયર, એન.કે. પટેલ, જતીન પટેલની કાર વેટરન અને એડવરડિયન કલાસની દુર્લભ કાર જેમાં કોન્કોર્સમાં ભાગ લેતી સૌથી જુની કાર 1902ની જોડાઈ હતી.આ રેલીમાં ઘણી એવી બધી એવી કાર છે, જે મહેલી વાર જોઈ હોવાનુ વડોદરા પોલીસ કમિશનર શમશેર સિંહે જણાવ્યું હતું.