વડોદરાના ભણીયારા ગામમાં ભંગારના ગોડાઉનમાં આગની ઘટના સામે આવી છે. મોડી રાતે ભંગારના ગોડાઉનમાં આગ લાગતા અફરા-તફરીનો માહોલ સર્જાયો હતો.
આ ઘટનાની જાણ થતા ફાયર વિભાગની 6 ગાડીઓ ઘટનાસ્થળે પહોચી હતી. ફાયર વિભાગના અધિકારીઓએ ભારે જહેમત બાદ આગને કાબુમાં લીધી હતી. ભંગારના ગોડાઉનમાં આગ લાગવાનુ કારણ અકબંધ છે. સદનસીબે આ ઘટનામાં કોઇ જાનહાની થઈ નથી.
#Vadodara ના ભણીયારા ગામે ભંગારના ગોડાઉનમાં ભીષણ આગ ફાયર ફાઇટરની 6 ગાડીઓ ઘટના સ્થળે ઘટનાના પગલે સમગ્ર વિસ્તારમાં દોડધામ આગ લાગવાનુ કારણ અકબંધ સદનસીબે કોઇ જાનહાની નહી #Firepic.twitter.com/to1DEmb1xU
આ ભંગારનું ગોડાઉન રહેણાંક વિસ્તારમાં આવેલું હોવાથી આગ લાગતા ભારે અફરા તફરીનો માહોલ સર્જાયો. ત્યારે ભંગારના ગોડાઉનમાં ભારે આગ લાગતા ગોડાઉનની અંદર રહેલું પ્લાસ્ટિક કાગળ સહિતના અનેક જ્વલનશીલ કેમિકલ વેસ્ટ વગેરે આગની લપેટમાં આવી ગયા અને જોતજોતામાં આગે વિકરાળ રૂપ ધારણ કર્યું. આગે વિકરાળ રૂપ લેતા ભંગારના ગોડાઉનમાં રહેલ સામાન બળીને ખાખ થઇ ગયો હતો.
જો કે આ મામલાની જાણ નજીક ફાયર વિભાગને થતાં તાત્કાલિક અસરથી ઘટના સ્થળે આવી પહોંચ્યો હતો અને સતત પાણીનો મારો ચલાવતા આગ પર કાબૂ મેળવવામાં સફળતા મળી હતી. જો કે ગોડાઉનમાં પડેલ સામાન ને ભારે નુકસાન થયું હતું. જો કે જાનહાની થવા પામી નહોતી.