102 ટ્રેકટર ખરીદીમાં 5 કરોડનો ખર્ચ કરવામાં આવ્યો છે. નિયમ મુજબ આ કામગીરી ગ્રામપંચાયતે કરવાની હોય છે. પરંતુ નિયમ વિરુદ્ધ જઈને તાલુકા પંચાયતે ટ્રેક્ટરની ખરીદી કરી લીધી છે.
ટ્રેક્ટર ખરીદીમાં કૌભાંડ?
નિયમ વિરુદ્ધ ખરીદાયા ટ્રેક્ટર
RTIમાં થયો ખુલાસો
ક્વોટેશન મગાવ્યા વગર ટ્રેક્ટરની ખરીદી
વડોદરા તાલુકા પંચાયતમાં ટ્રેક્ટર ખરીદી કૌભાડને લઈ ચર્ચામાં આવ્યું છે. ગ્રામપંચાયતની સત્તામાં આવતા ટ્રેક્ટરની ખરીદી પોતે કરી 5 કરોડ રૂપિયાનું કૌભાંડ કર્યાના આરોપો થઈ રહ્યા છે.
વડોદરા તાલુકા પંચાયતમાં ટ્રેક્ટર ખરીદી કૌભાડને લઈ રોષ ફાટી નીકળ્યો છે. 102 ટ્રેકટર ખરીદીમાં 5 કરોડનો ખર્ચ કરવામાં આવ્યો છે. નિયમ મુજબ આ કામગીરી ગ્રામપંચાયતે કરવાની હોય છે.પરંતુ નિયમ વિરુદ્ધ જઈને તાલુકા પંચાયતે ટ્રેક્ટરની ખરીદી કરી લીધી. આ ઘટનામાં કૌભાંડની શંકા એટલા માટે ઉપજી રહી છે કે, તાલુકા પંચાયત દ્વારા ક્વોટેશન મંગાવ્યા વગર જ ટ્રેક્ટરની ખરીદી કરવામાં આવી હતી.
આમ સ્વસ્થ ગામ સ્વસ્છ ગામ માટે કરવામાં આવેલી આ ખરીદીમાં તિજોરી સ્વચ્છ કરાઈ હોવાની ફરિયાદ ઉઠી રહી છે. કૌંભાડને ઉજાગર કરનાર સામાજિક કાર્યકર્તા અતુલ ગામેતીએ DDOને રજૂઆત કરી કાર્યવાહી કરવા માંગ કરી હતી. એટલું જ નહીં ઠરાવમાં સહી કરનાર તમામ સામે પણ કાર્યવાહી કરવાની માંગ કરવામાં આવી છે આ કૌભાંડમાં તાલુકા પ્રમુખ, ઉપ પ્રમુખ, કારોબારી ચેરમેન સહિત જવાબદારો સામે શંકા વ્યક્ત કરવામાં આવી છે.