VTV Impact / વડોદરાની સ્વરા પેથોલોજી લેબ મુદ્દે આરોગ્ય તંત્ર સફાળુ જાગ્યું, દર્દીઓની લૂંટ અટકી

• VTVના અહેવાલ બાદ આરોગ્ય વિભાગ દોડતું થયું
• અધિકારીની તપાસમાં અનેક ક્ષતિઓ આવી સામે 
• લેબના તબીબના સર્ટી પણ ખોટા મળ્યા

સ્વરા પેથોલોજી લેબ મામલે આરોગ્ય વિભાગ દોડતું થયું

વડોદરાના વડુમાં સ્વરા પેથોલોજી લેબના કૌભાંડ મામલે Vtvના અહેવાલ બાદ આરોગ્ય વિભાગ દોડતું થયું છે. હેલ્થ વિભાગના અધિકારીઓએ તપાસ કરતા અનેક ક્ષતિઓ સામે આવી છે. હેલ્થ વિભાગના અધિકારીઓને લેબના તબીબના સર્ટિફિકેટ ખોટા મળ્યાં. આમ હવે આરોગ્ય વિભાગ દ્વારા લેબના સંચાલક સામે કાર્યવાહી કરવામાં આવશે.

 

સ્વરા પેથોલોજી આરોગ્ય વિભાગ દ્વારા સીલ કરાઇ

વડુમાં સ્વરા પેથોલોજી લેબના કૌભાંડ મામલે આરોગ્ય વિભાગ હરકતમાં આવ્યું છે. જેમાં લેબના સંચાલક સામે કાર્યવાહી કરવાની સાથે સ્વરા પેથોલોજીને સીલ કરવાની પણ કામગીરી હાથ ધરાઇ છે. 

સ્વરા લેબના સંચાલક અને તબીબની ઓડિયો ક્લીપ વાયરલ

સ્વરા પેથોલોજી લેબના સંચાલક અને તબીબની ઓડિયો ક્લીપ વાયરલ થઇ હતી. જેમાં લેબના સંચાલક અને તબીબ વચ્ચે મિલિભગતનો પર્દાફાશ થયો છે. આ ઓડિયો ખોટા રિપોર્ટ બનાવવાની વાત પણ ચર્ચાઇ હતી. ખોટા રિપોર્ટ દર્શાવીને 40 ટકા તબીબને કમિશન આફવાની ઓડિયો ક્લિપમાં વાત થઇ હતી. આ ઘટનાનો Vtvએ અહેવાલ રજૂ કર્યો હતો. Vtv ના અહેવાલ રજૂ કરતાં આરોગ્ય વિભાગ જાગ્યુ હતું. 

વડોદરાની 'મા' પેથોલોજી લેબ ષડયંત્રમાં સામેલ

વડોદરાના પાદરામાં ચાલતી સ્વરા લેબના કૌભાંડને Vtv એ પર્દાફાશ કર્યો છે. હવે આરોગ્ય વિભાગની તપાસમાં વધુ લેબ સામે આવી છે. કૌભાંડમાં 'મા' પેથોલોજી લેબનું નામ સામે આવ્યું છે. શહેરમાં 'મા' લેબોરેટી ત્રણ વિસ્તારમાં આવી છે, આ ઘટના બાદ 'મા' લેબોરેટરીના સંચાલક જયમીન શાહ ભુગર્ભમાં ઉતરી ગયા છે.