ક્રાઈમ / ગુજરાતમાં દીકરીઓ અસુરક્ષિત? નવરાત્રીમાં દુષ્કર્મની ત્રણ ઘટના, સુરક્ષા સામે ઉભા થયા સવાલો

રાજ્યમાં એકબાદ એક દુષ્કર્મની ઘટનાઓ સામે આવી રહી છે. વડોદરા, સુરત, કચ્છમાં હવસખોરોએ યુવતીઓ સાથે દુષ્કર્મ આચરતા હડકંપ મચ્યો છે. 4 ઓક્ટોબરે વડોદરાના ભાયલીમાં આશાપુરા માતાના મંદિર પાસે મિત્ર સાથે બેઠેલી સગીરા સાથે 5 શખ્સોએ સામુહિક દુષ્કર્મ આચર્યું હતું. જોકે પોલીસે ગણતરીના કલાકોમાં જ આરોપીઓને ઝડપી પાડ્યા હતા.

નવરાત્રી દરમિયાન દુષ્કર્મની ઘટના

સુરતના બોરસરા ગામમાં પણ આવી જ ઘટના બની હતી. 8 ઓક્ટોબરની રાતે ગામની સીમમાં એક સગીરા મિત્ર સાથે ઉભી હતી, ત્યારે 3 અજાણ્યા શખ્સો આવ્યા હતા. અને સગીરાના મિત્રને મારમારી ભગાડી દીધો હતો. ત્યાર બાદ સગીરાને અવાવરુ જગ્યાએ લઈ જઈ દુષ્કર્મ આચર્યું હતું. દુષ્કર્મ આચરનાર 3 આરોપીમાંથી 2 આરોપીને પોલીસે ઝડપી પાડ્યા છે.

આ પણ વાંચો: માંગરોળ દુષ્કર્મ કેસમાં આરોપીઓએ ભાગવાનો પ્રયાસ કરતા સુરત પોલીસનું ફાયરિંગ, 2ની ધરપકડ, એક ફરાર

કચ્છમાં દુષ્કર્મની ઘટના

આ તરફ કચ્છમાં પણ ગરબા રમીને પરત ફરી રહેલી યુવતી સાથે કારખાનેદારે દુષ્કર્મ આચર્યું હતું. યુવતીને ચક્કર આવતા ઢળી પડી હતી. ત્યાર બાદ કારખાનેદારે પાણી પીવડાવવાના બહાને તેની સાથે દુષ્કર્મ આચર્યું હતું. આમ રાજ્યમાં એક બાદ એક સામે આવતી દુષ્કર્મની ઘટનાએ મહિલા સુરક્ષા પર સવાલો ઉભા કરી દીધા છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ