વડોદરા / વિદ્યાર્થિનીના અશ્લીલ ફોટા પાડી બ્લેકમેઇલ કરીને મિત્રોએ આચર્યુ દુષ્કર્મ

બનાવની વિગતો અનુસાર ગોત્રી રોડ પર રહેતા ટ્રાવેલ્સ સંચાલકની 19 વર્ષીય પુત્રી ધો. 12ની રીપીટરની પરીક્ષા આપી રહી છે. પિતા ધંધાના રૂપિયા ઘરના કબાટમાં મૂકી રાખતા હતાં. છ મહિના પહેલા તેમને રૂપિયા ઓછા થતાં હોવાનું જણાયું હતું. દરમિયાન દીકરી કબાટમાંથી રૂપિયા લઇને ઉપરના માળે જતાં પિતાએ પૈસા કેમ લીધા કહી તેની પૂછતાછ કરતાં દીકરીના નગ્ન ફોટા પાડી તેને પિતાને બતાવી દેવાની ધમકી આપી સ્કૂલમાં સાથે જ ભણતા વિદ્યાર્થી અને તેના મિત્રો બ્લેકમેઇલ કરતા હોવાનું બહાર આવ્યું હતું.

ત્યારે આ સમગ્ર મામલે એસીપીને તપાસ સોંપવામાં આવી છે. મળતી માહિતી મૂજબ ગોત્રી રોડની ધો. 12ની વિદ્યાર્થિનીને સ્કૂલમાં જ અભ્યાસ કરતાં વિદ્યાર્થીએ એક વર્ષ પહેલા અકોટા બ્રિજ પાસે લઇ જઇ મોબાઇલમાં અશ્લીલ ફોટા પાડી અને રૂ. 30 હજાર પડાવ્યા હતા.
 
જ્યારે આ ફોટો મિત્રને આપતાં તેણે પણ બ્લેકમેઇલ કરી વિદ્યાર્થિની સાથે દુષ્કર્મ કરી 20 હજાર પડાવ્યા. ત્યારબાદ આ ફોટા અન્ય મિત્રને મોકલતાં તેણે વિદ્યાર્થિની પાસે ફરી અશ્લીલ ફોટા મંગાવી ગ્રૂપમાં મૂકી દીધા હતાં. હાલ આ સમગ્ર મામલે ગોત્રી પોલીસે 6 લોકો સામે ફરિયાદ નોંધી છે અને 3 લોકોના ફોન કબજે કરવામાં આવ્યા છે.