VIDEO: હોસ્પિટલ કેન્ટીનની બેદરકારી દર્દીની રોટલીમાંથી મળી આવી સ્ટેપલર પીન

વડોદરાની પારૂલ યુનિવર્સિટી છેલ્લા કેટલાક સમયથી કોઈને કોઈ કારણોસર સતત વિવાદમાં જ રહે છે. ત્યારે તાજેતરમાં ફરી એકવાર એક ઘટનાએ પારૂલ યુનિવર્સિટીની હોસ્પિટલ વિવાદમાં આવી છે હોસ્પિટલની કેન્ટીનમાંથી આપવામાં આવતા દર્દીઓ માટેના ખોરાકમાંથી સ્ટેપલર પીન નીકવાની ઘટના બનતા દર્દીના પરિવારજનોમાં રોષ ફેલાવા પામ્યો હતો.



આ ઘટના અંગે મળતી માહિતી અનુસાર વડોદરા શહેરની જાણીતી પારૂલ યુનિવર્સિટીની હોસ્પિટલની કેન્ટીનમાંથી દર્દીને આપવામાં આવેલી રોટલીમાંથી સ્ટેપ્લર પીન મળી આવતા દર્દીના પરિવારજનોમાં રોષ જોવા મળ્યો છે. દર્દીએ રોટલી ખાતા પીન ગળામાં ફસાઈ ગઇ હતી. ત્યાર બાદ દર્દીને દાખલ કરીને પીન કાઢવામાં આવી છે. આ મામલે દર્દીએ કેન્ટિનના સંચાલક સાથે વાત કરાત સંચાલકે પણ જવાબ આપ્યો ન હતો. ત્યારે હવે આ મામલે દર્દીએ બેદકરારીની ફરિયાદ દાખલ કરાઈ છે.

મહત્વનું છે કે આ પહેલા પણ શિક્ષણ જગતમાં એક અલગ સ્થાન પામેલ પારૂલ યુનિવર્સિટીની હોસ્પિટલ કેન્ટીનમાં દર્દીઓમાંટે બનાવવા આવેલ રોટલી માંથી એક સ્ટેપલર પીન નીકળી હતી અને તે દર્દીના ગળામાં ફસાઇ જતા દોડધામ મચવા પામી હતી જો કે દર્દીનું તાત્કાલિક ઓપરેશન કરીને પીન બહાર કાઢવામાં આવતા તેના જીવ સાથે ચેડા થતા બચી ગયા હતા. પરંતુ આ મામલે દર્દીના પરિવારજનોએ કેન્ટીનના સંચાલકનો સંપર્ક કરતા તેમણે સંતોષકારક જવાબ આપ્યો ન હતો.