વડોદરાનો એક વિદ્યાર્થી શિવમ સોલંકી જે બન્ને હાથ અને પગ કપાયા બાદ પણ બોર્ડની પરીક્ષા આપી રહ્યો છે. જી, હા આ વિદ્યાર્થી કોઈ પણ રાઈટરની મદદ લીધા વગર જ બોર્ડની 12માં ધોરણની પરીક્ષા આપી રહ્યો છે. શિવમ પોતાની 12માં ધોરણ સાયન્સની પરીક્ષા આપી રહ્યો છે.
શિવમે હાથ-પગ વગર 12માં ધોરણની પરીક્ષા આપી
પતંગ પકડવા જતા શિવમને કરંટ લાગતા ગુમાવ્યા હતા હાથ-પગ
માતા-પિતાએ દીકરાને અપાવી હતી હિંમત
વડોદરાના વિજય નગર વિસ્તારમાં રહેતા શિવમ સોલંકી સાથે 11 વર્ષની ઉમરે બનેલી ઘટનાએ સમગ્ર જીવન બદલી નાખ્યો. 11 વર્ષની ઉંમરે પતંગ પકડવા જતા શિવમને ભારે કરંટ લાગ્યો હતો. આ ઘટનામાં શિવમના બન્ને હાથ અને પગ કાપવા પડ્યા હતા. આ ઘટના બાદ શિવમના પરિવારે તેનો આત્મવિશ્વાસ ઓછો થવા દીધો ન હતો. પરિવારે શિવમને હાથ વગર જ લખવાની કળા શિખવાડી હતી. જે કળા શિખ્યા બાદ શિવમે ધોરણ-10ની પરીક્ષા આપી હતી. ધોરણ-10ની બોર્ડની પરીક્ષામાં શિવમે 98.53 પર્સન્ટાઇલ મેળવ્યા હતા. આટલા ટકા આવ્યા બાદ શિવમના મનોબળમાં વધારો થયો. આ પરીક્ષા આપવા માટે શિવમને સ્કૂલના શિક્ષક, આચાર્ય દ્વારા તમામ પ્રકારથી મદદ કરવામાં આવે છે. શિવમનો આત્મવિશ્વાસ વધારવા માટે શિક્ષકો દ્વારા પુરતો સહકાર આપવામાં આવે છે.
શિવમ સોલંકી કહ્યું હતું કે, મે નાનપણમાં જ મારા હાથ-પગ ગુમાવી દીધા હતા. ભલે મારા હાથ-પગ નથી. પરંતુ, હું ડૉક્ટર બનીને મારા માતા-પિતાનું સપનું સાકાર કરીશ. શિવમે ધો-10માં 98.53 પર્સન્ટાઇલ મેળવ્યા હતા.
માતા-પિતાએ આપી હતી હિંમત
શિવમના પિતા કિશનભાઇ સોલંકી નોકરી કરે છે. શિવમની જવાબદારી માતા હંસાબહેને ઉપાડી લીધી હતી. બંને હાથ-પગ ન ગુમાવી દીધેલા શિવમને માતા-પિતાએ હિંમત આપી હતી. શિવમને કપાઇ ગયેલા હાથમાં મોજા પહેરાવી તેમાં પેન ફસાવીને લખવાની પ્રેક્ટીસ શરૂ કરાવી હતી. ધોરણ 10માં શિવમે 98.53 પર્સન્ટાઇલ મેળવ્યા હતા. શિવમને ડૉક્ટર બનવાની ઇચ્છા હોવાથી સાયન્સમાં એડમિશન લીધુ હતું. હાલ શિવમ ધોરણ 12 સાયન્સની પરીક્ષા આપી રહ્યો છે. શિવમને બંને હાથ અને પગ ન હોવા છતાં તે રાઇટર વિના જ પરીક્ષા આપી રહ્યો છે.