વડોદરાની સયાજી હોસ્પિટલ વારંવાર વિવાદમાં સપડાતી જોવા મળતી હોય છે. ત્યારે વધુ એક વખત કોન્ટ્રાક્ટના સફાઇ કર્મીઓ પાસે અન્ય કામ કરવાના વાયર વીડિયોના કારણે નવો વિવાદ જોવા મળ્યો છે. આમ પહેલાથી જ દોઢ મહિનાનો પગાર ન ચૂકવાતા રોષે ભરાયેલા કર્મચારીઓને અન્ય કામ સોંપાતા નારાજગી વ્યક્ત કરી છે.
વડોદરાની સયાજી હોસ્પિટલ ફરી વિવાદમાં
કર્મચારીને સફાઇના બદલે અન્ય કામ સોંપાયુ
સફાઇકર્મીનો વીડિયો વાયરલ થતા વિવાદ
વડોદરાની સયાજી હોસ્પિટલ ફરી વિવાદમાં આવી છે. જેમાં કોન્ટ્રાક્ટના સફાઇ કર્મીઓ પાસે સફાઇ કામના બદલે અન્ય કામ કરાવાઇ રહ્યું છે. સફાઇ કર્મીઓને મૃતદેહ પાસેથી નોડલ કાઢવાની કામગીરી કરાવામાં આવી રહી છે. પહેલાથી જ દોઢ મહિનાથી પગાર ન ચૂકવાતા રોષે ભરાયેલા કર્મચારીઓને અન્ય કામ સોંપતા નારાજગી વ્યક્ત કરી છે.
ત્યારે સવાલ ઉઠી રહ્યા છે કે સફાઇ કર્મીઓ પાસેથી અન્ય કામ કેમ કરાવો છો?. મૃતકના શરીર પરથી પાઇપ-નોડલ કાઢવાની કામગીરી કેમ સોંપાઇ? સફાઇ કર્મીઓનું કામ સ્વસ્થતા રાખવાનું છે, મૃતદેહમાંથી નોડલ કાઢવાનું નહીં. પગાર તો ચૂકવતા નથી અને વધારાનું પણ કામ કરાવો છો? સયાજી હોસ્પિટલ પાસે પૂરતો સ્ટાફ નથી?
સળગતા સવાલ
સફાઇ કર્મીઓ પાસેથી અન્ય કામ કેમ કરાવો છો?
દોઢ મહિનાથી પગાર પણ કેમ નથી આપ્યો?
મૃતકના શરીર પરથી પાઇપ-નોડલ કાઢવાની કામગીરી કેમ સોંપાઇ?
સફાઇ કર્મીઓનું કામ સ્વસ્થતા રાખવાનું છે મૃતદેહમાંથી નોડલ કાઢવાનું નહીં