વડોદરાના સાંકરદા હાઈ-વે પરથી દારૂ ભરેલી ટ્રક ઝડપાઈ હોવાની ઘટના સામે આવી છે. PCBએ લાખો રૂપિયાનો દારૂ ભરેલો ટ્રક ઝડપી પાડ્યો છે.
વડોદરાના સાંકરદા હાઈ-વે પરથી દારૂ ભરેલી ટ્રક ઝડપાઈ
હરિયાણાથી આણંદના બુટલેગરને દારૂ મોકલાયો હતો
બુટલેગરે પોલીસથી બચવા કટ ઓફ સિસ્ટમનો ઉપયોગ કર્યો
હરિયાણાથી આણંદના બુટલેગરને દારૂ મોકલાયો હતો. હરિયાણાથી રાજસ્થાન-ઈન્દોર થઈને ટ્રક આણંદ જઈ રહ્યો હતો. બુટલેગરે પોલીસથી બચવા કટ ઓફ સિસ્ટમનો ઉપયોગ કર્યો. ઈન્દોરથી ડ્રાઈવર ક્લિનર બદલી નાંખવામાં આવ્યા. બે ડ્રાઈવર અને ક્લિનરની PCBએ અટકાયત કરી હતી. હાલમાં દારૂ મોકલનાર અને મંગાવનારની તપાસ ચાલી રહી છે.
પ્લાસ્ટીક ફોમ સીટની આડમાં સંતાડીને દારૂ લવાતો
વડોદરા (Vadodara) ના સાંકરદા હાઇવે પરથી PCBએ કાર્યવાહી કરી લાખો રૂપિયાનો વિદેશી દારૂ (liquor ) ભરેલો ટ્રક ઝડપી પાડ્યો છે. હરિયાણાથી મોકલવામાં આવેલ વિદેશી દારૂનો જથ્થો આણંદના બુટલેગરને મોકલવામાં આવ્યો હતો. પોલીસને ચકમો આપવા માટે ટ્રકમાં ઇ.પી.સી પ્લાસ્ટીક ફોમ સીટની આડમાં પ્લાસ્ટિકની બેગોમાં દારૂ ભરીને લાવવામાં આવતો હતો.
કહી શકાય કે, ગુજરાતમાં દારૂબંધી હોવાથી બુટલેગરો ગેરકાયદેસર રીતે રાજ્યમાં દારૂ ઘુસાડતા હોય છે. આ દરમિયાન પોલીસ તેઓને પકડી ન શકે એ માટે તેઓ અવનવા કીમિયા પણ કરતા હોય છે. સામાન્ય રીતે ગુજરાતમાં રાજસ્થાન તરફથી દારૂ ભરેલી ટ્રકો આવતી હોવાના કારણે તે બાજુ ચેકિંગ વધારે રહે છે. એટલે વડોદરાથી જે દારૂ પકડાયો છે તે રાજસ્થાનથી ઇન્દોર અને ઇન્દોરથી વડોદરા લાવવામાં આવતો હતો.
બુટલેગરોએ દારૂને સંતાડવા માટે વાપર્યો અનોખો કીમિયો
બુટલેગરોએ દારૂને સંતાડવા માટે અનોખો કીમિયો વાપર્યો હતો. તેઓએ દારૂની બોટલો કાળા રંગની પ્લાસ્ટિકની થેલીઓમાં ભરી હતી. જ્યારે આ દારૂની ફરતી બાજુ થર્મોકોલની શીટ ભરેલાં મોટા કાર્ટુન ગોઠવી દીધાં હતાં. તેમજ પોલીસને દારૂની બાતમી ન મળી જાય એ માટે કટ ઓફ સિસ્ટમનો ઉપયોગ કર્યો હતો જેમાં રાજસ્થાનથી ઇન્દોર ટ્રક લઈ જનાર ડ્રાઇવર અને ક્લિનરને બદલી નાખવામાં આવ્યા હતા. ત્યાંથી નવા ડ્રાઇવર-ક્લિનર આ ટ્રક લઈને આવ્યા હતા. આ ઘટનામાં પોલીસે કુલ 38,59,950નો મુદ્દામાલ કબજે કર્યો છે.