વડોદરા / આવાસ યોજનામાં બિલ્ડરે 4 વર્ષ બાદ એક ઈંટ પણ નથી મૂકી, તોય મેયર કેયુર રોકડીયા ફરી તેણે કામ આપશે

• વડોદરામાં આવાસ યોજના ફરી વિવાદમાં 
• મેયરની કામ ફરી શરૂ થશે તેવી જાહેરાત 
• બિલ્ડરે 4 વર્ષ બાદ એક ઈંટ પણ નથી મૂકી 

2017માં વારસિયા વિસ્તારના સંજયનગરના એર હજાર 840 કાચા પાકા મકાનો તોડી પાડી પ્રધાનમંત્રી આવાસ યોજના અંતર્ગત 16 મહિનામાં મકાન આપવાનો વાયદો 4 વર્ષે પણ પૂરો થયો નથી, મેયર કેયુર રોકડીયાએ આ જ વિવાદી કોન્ટ્રાક્ટરને મકાનો બનાવવા વધુ 3 વર્ષનો સમય આપતા વિવાદ ઉભો થયો છે. આશ્ચર્યની વાત એ છે કે લાભાર્થીઓને બિલ્ડરે 15 માસનું ભાડું આપ્યું નથી ત્યારે મેયર કેયુર રોકડીયાએ આવાસ યોજનાનું કામ ફરી શરૂ થશે તેવી જાહેરાત કરી છે. અને વધુ 3 વર્ષનો સમય આપ્યો છે. જેમાં લાભાર્થીઓના એક હજાર 840 મકાનો બનશે. 

કોંગ્રેસ અને લાભાર્થીઓએ સવાલો ઉઠાવ્યા
આ સાથે બિલ્ડર મનપાને આવાસના વધુ 300 મકાનો સહિત કુલ 2 હજાર 900 જેટલા મકાનો બનાવી આપશે. જોકે બીજી બાજુ લાભાર્થીઓએ માંગ કરી છે કે 15 માસનું બાકી ભાડું બિલ્ડર તાત્કાલિક ચૂકવી આપે અને ભાડું 2 હજારથી વધારી 3000 કરવાની પણ માંગ કરી છે. મેયરની જાહેરાત બાદ કોંગ્રેસે આવાસ યોજનામાં ટેન્ડરની શરતોનું પાલન ન થતાં રીટેન્ડર અથવા પાલિકા પોતે મકાનો બાંધે તેવી માંગ કરી છે.  જોકે જે બિલ્ડરો 4 વર્ષમાં મકાનની એક ઈંટ ન મૂકી શકનાર કેવી રીતે 3 વર્ષમાં આવાસ યોજનાના મકાનો બનાવશે આથી સ્વાલો થઇ રહ્યાં છે.