વડોદરાઃ બોયઝ સમરસ હોસ્ટેલના વિદ્યાર્થીઓએ હોબાળો કર્યો છે. સમા વિસ્તારમાં આવેલી બોયઝ હોસ્ટેલમાં વિદ્યાર્થીઓએ હોબાળો મચાવ્યો હતો. સમરસ હોસ્ટેલમાં ભોજનની ગુણવત્તા સામે ફરી સવાલો ઉઠ્યા છે. ભોજનમાં ઈયળો નિકળતા વિદ્યાર્થીઓઓ રોષે ભરાયા છે.
આ હોસ્ટેલના 500 વિદ્યાર્થીઓએ ભોજનની ગુણવતાને લઈને ભોજનનો ત્યાગ કર્યો છે. આ પહેલા લેડીઝ હોસ્ટેલમાં આ પ્રકારનો બનાવ બન્યો હતો. ભોજનમાં ઈયળ આવતા મામલો વણસ્યો હતો. સ્થિતીને ધ્યાને રાખીને પોલીસ ઘટના સ્થળે પહોંચી છે.
વડોદરાની સમરસ હોસ્ટેલ વિદ્યાર્થીનીઓએ થોડા દિવસ અગાઉ પોતાની કેટલીક માંગણીઓ ન સંતોષાતા બોર્ડ સામે હલ્લાબોલ કરી અને ભૂખ હડતાલ પર ઉતરી હતી.
સમરસ ગર્લ્સ હોસ્ટેલની વિદ્યાર્થીનીઓએ એકઠા થઈ કર્યો હતો વિરોધ
વડોદરા શહેરના પોલીટેકનીક કેમ્પસમાં આવેલી ગર્લ્સ હોસ્ટેલની વિદ્યાર્થીનીઓની કેટલીક માંગ ન સંતોષાતા તેમણે હોસ્ટેલ વોર્ડન સામે હલ્લાબોલ કર્યો હતો. હોસ્ટેલમાં રેહતી વિધાર્થીનીઓએ પોતાને મળવા પાત્ર પાયાની સુવિધાઓ ન મળતી હોવાના આક્ષેપો કર્યા હતા. વિદ્યાર્થીનીઓએ નારે બાજી કરી હતી. ૧૦૦૦ જેટલી વિધાર્થીનીઓનું કેહવુ છે કે ન્હાવાનું ગરમ પાણી અને પીવાનુ ઠંડુ પાણી મળતુ નથી. જમવામાં પણે કીડા નીકળે છે.