વર્ષ 2022-23નું રિવાઇઝ બજેટ અને વર્ષ 23-24નુ રજૂ કરશે ડ્રાફ્ટ બજેટ
અંદાજિત 4500 કરોડથી વધુનું શહેરના વિકાસને અનુલક્ષીને બજેટ કરાયું છે તૈયાર
વડોદરા મ્યુનિસિપલ કોર્પોરેશનનું વર્ષ 2022-23નું રીવાઈઝડ અને વર્ષ 2023 -24 નું ડ્રાફ્ટ બજેટ મ્યુનિસિપલ કમિશ્નર આજે સ્ટેન્ડિંગ કમિટી સમક્ષ રજૂ કરશે. મહત્વનું છે કે, આજે બપોરે 1:00 વાગે મ્યુનિસિપલ કમિશ્નર બંછાનિધી પાની સ્ટેન્ડિંગ કમિટીને બજેટ સુપ્રત કરશે. વિગતો મુજબ શહેરના વિકાસને અનુલક્ષીને અંદાજિત 4500 કરોડથી વધુનું બજેટ તૈયાર કરાયું છે.
સંસ્કારી નગરી વડોદરામાં આજે મ્યુનિસિપલ કમિશ્નર બંછાનિધી પાની સ્ટેન્ડિંગ કમિટીને બજેટ સુપ્રત કરશે. જોકે બજેટને લઈ અનેક શક્યતાઓ સેવાઇ રહી છે. જેમાં વાત કરવામાં આવે તો આગામી વર્ષમાં ચૂંટણી નહીં હોવાથી કર દરમાં વધારો થઈ શકે તો સાથે આઠ વર્ષના લાંબા ગાળા બાદ કર દર અને લાગતોમાં પણ સંભવિત વધારો થઈ શકે છે.
બજેટમાં શું હોઇ શકે ?
વડોદરા મ્યુનિસિપલ કોર્પોરેશનનું વર્ષ 2022-23નું રીવાઈઝડ અને વર્ષ 2023 -24 નું ડ્રાફ્ટ બજેટ આજે રજૂ કરવામાં આવશે. જોકે આ બજેટમાં સંભવિત રીતે મિલકત વેરામાં અંદાજિત 50 કરોડથી વધુનો મિલકત વેરો ઝીંકાઇ શકે. તો વિવિધ લાગતોમાં પણ બજેટમાં વધારો સૂચવાયો હોવાનું પણ સામે આવ્યું છે.
બજેટ ઉપર અભ્યાસ બાદ થશે સુધારા વધારા
મહત્વનું છે કે, આજે વડોદરા મહાનગરપાલિકાના મ્યુનિસિપલ કમિશ્નર બંછાનિધી પાની સ્ટેન્ડિંગ કમિટીને 2022-23નું રીવાઈઝડ અને વર્ષ 2023 -24 નું ડ્રાફ્ટ બજેટ સુપ્રત કરશે. મહત્વનું છે કે, હવે સ્ટેન્ડિંગ કમિટીના સભ્યો બજેટ ઉપર અભ્યાસ કરી સુધારા વધારા સૂચવશે. જોકે નાગરિકોના માથે મિલકત વેરા સહિત કરોડોનો બોજો પડવાની શક્યતા છે.