વડોદરામાં યુવતી પર સામૂહિક દુષ્કર્મ કેસમાં દરરોજ નવા ખુલાસા થઈ રહ્યા છે.
ડાયરીમાં પીડિતાની વ્યથા
"આરોપી 20થી 21 વર્ષના હતા"
"ઘણા સમયથી મારો પીછો કરતા હોય તેવું લાગ્યું"
મેં કોઈનું શું બગાડ્યું હતું?
29 ઓક્ટોબરની રાત્રે દુષ્કર્મ બાદ યુવતીએ ડાયરીમાં પોતાની વ્યથા લખી હતી. જેમાં યુવતીએ લખ્યું હતું કે હું વારંવાર મારું મો ધોવું છું. એકલતા અનુભવી રહી છું. જે શખ્સોએ મારી સાથે અત્યાચાર કર્યો તે 20થી 21 વર્ષના લાગતા હતા.
પીડિતાએ લખ્યું મારી સાથે કેમ થયું આવું ?
પીડિતાએ વધુમાં લખ્યું કે બન્ને આરોપીની વાત પરથી લાગ્યું કે તે ઘણા સમયથી મારો પીછો કરતા હશે.બન્નેની વાતમાં મારા નામનો ઉલ્લેખ પણ હતો.પીડિતાએ સવાલ કરતા લખ્યું કે મારી સાથે આવું કેમ થયું.મેં કોઈનું શું બગાડ્યું હતું..હું ઓએસીસમાં શું જવાબ આપીશ.આ સિટી છોડી દૂર જતી રહું?
500થી વધુ CCTV પોલીસે ફિંદી નાંખ્યા
વડોદરામાં યુવતી સાથે દુષ્કર્મ બાદ આપઘાતના કેસની તપાસમાં એક બાદ એક ખુલાસા થઇ રહ્યા છે. 500 જેટલા સીસીટીવીની તપાસ તેમજ અન્ય પાસાઓને સાંકળી પોલીસ આરોપીઓ સુધી પહોંચવા કવાયત કરી રહી છે.ત્યારે સૂત્રો દ્વારા મળતી માહિતી મુજબ અમદાવાદ ક્રાઇમ બ્રાંચે વધુ એક શંકાસ્પદની કરી અટકાયત કરી છે. શહેરના ફતેહગંજ વિસ્તારમાં ચાની લારી પર કામ કરતા શખ્સની અટકાયત કરી પૂછપરછ આદરાઈ છે. CCTV ફૂટેજમાં શંકાસ્પદ હિલચાલને આધારે અટકાયત કરવામાં આવી હોવાનું પ્રાથમિક માહિતી મળી છે. મહત્વનું છે કે અત્યાર સુધી સમગ્ર કેસમાં 3 શંકાસ્પદોની અટકાયત કરવામાં આવી છે અગાઉ અમદાવાદ ક્રાઈમબ્રાંચે 2 શંકાસ્પદોને ઝડપ્યા હતા.
અત્યાર સુધી આ કેસમાં શું ખુલાસા થયા?
વડોદરામાં કામ કરતી યુવતી સાથે દુષ્કર્મ અને આપઘાત કેસમાં વધુ એક કડી પોલીસને હાથ લાગી છે, વડોદરાની યુવતીનો પીછો કરતા યુવકને સુરતની ઝૂપડપટ્ટીમાંથી અમદાવાદ ક્રાઈમ બ્રાન્ચે ઉઠાવ્યો છે. પીડિતાએ પોતાની ડાયરીમાં કોઈ યુવક તેનો પીછો કરી રહ્યા હોવાનું મેસેજ કર્યો હતો.. જેને આધારે પોલીસે સીસીટીવીના આધારે પોલીસે બે શંકાસ્પદ શખ્સોને સુરતની ઝૂંપડપટ્ટીમાંથી ઝડપી પાડ્યો છે. નવસારીની વિદ્યાર્થિની પર વડોદરામાં ગેંગરેપ બાદ વલસાડમાં આપઘાતના કેસમાં પોલીસે બે શકમંદની અટકાયત કરી છે જેમાં બે શકમંદો પૈકી એક રિક્ષાચાલક પકડાયો છે, તે યુવતીનો મિત્ર હોવાનું જાણવા મળ્યું છે. જ્યારે બીજી વ્યક્તિ ઓએસિસ સંસ્થા સંકળાયેલી છે. બીજી તરફ, આજે પણ અમદાવાદ ક્રાઇમ બ્રાંચ અને વડોદરા ક્રાઇમ બ્રાન્ચે વેક્સિન ઇન્સ્ટિટ્યૂટ ગ્રાઉન્ડની મુલાકાત લઇને કેસની તપાસ કરી હતી.
પીડિતાનો પીછો કરતા શંકાસ્પદ શખ્સની અટકાયત
વડોદરામાં સામૂહિક દુષ્કર્મનો કોરડો 11 દિવસ બાદ પણ ઉકેલાયો નથી, વલસાડમાં ગુજરાત ક્વીન એક્સપ્રેસના D-12 નંબરના કોચમાં ગળેફાંસો ખાઇ મૂળ નવસારીની અને વડોદરામાં રહેતી 18 વર્ષીય યુવતીએ 4 નવેમ્બરના રોજ આપઘાત કર્યા હતો આજે ઘટાનાના 11 દિવસ પછી પણ બંને નરાધમોને રેલવે પોલીસ ઉપરાંત અમદાવાદ અને વડોદરા ક્રાઇમ બ્રાન્ચ શોધી શકી નથી.પોલીસ રોજ નવા દાવા કરે છે અને તપાસ ચાલુ છે તેવું રટણ કર્યા કરે છે, પણ પોલીસને નરાધમો વિશે કોઇ માહિતી મળી નથી, જો કે પોલીસે બે શંકાસ્પદોની પૂછપરછ હાથ ધરી તપાસનો ધમધમાટ શરૂ કર્યો છે. ત્યારે હવે પોલીસ તપાસમાં નવું નામ નામે આવ્યું છે. પોલીસને કર્ણાટકના ઈમરાન નામના શંકા છે કેમ કે ઈમરાને પીડિતાને કોલ કર્યો હતો જેમાં તેણે 36 સેકેન્ડ વાત કરી હોવાનું પોલીસ તપાસ ખુલ્યું છે વધુ તપામ માટે પોલીસની એક ટીમ વડોદરાથી કર્ણાટક પણ રવાના કરવામાં આવી છે.
ગુજરાત પોલીસની 35 ટીમો તપાસમાં જોડાઇ
વડોદરામાં યુવતી સાથે દુષ્કર્મ મામલે હવે ગુજરાત પોલીસની 35 ટીમો તપાસમાં જોડાઇ છે.. અત્યાર સુધીમાં પોલીસ દ્વારા 500 CCTVના ફૂટેજ ચેક કરવામાં આવ્યા છે...વડોદરા, સુરત, નવસારી, વલસાડના CCTV પણ ચેક કરવામાં આવ્યા છે. એટલું જ નહીં તેમજ આ કેસમાં પોલીસે કર્ણાટક સુધી તપાસ લંબાવી છે. એક CCTVમાં બે શખ્સો ભાગતા દેખાયા હોવાની ચર્ચા છે તો બેથી વધુ શખ્સો દુષ્કર્મમાં સંડોવાયેલા હોવાની પોલીસને આશંકા સેવાઈ રહી છે જે મામલે રેસકોર્સની એક સંસ્થાના કર્મચારીની પણ પોલીસે પૂછપરછ શરૂ કરી છે FSLએ ઘટનાસ્થળેથી માટીના નમૂના લીધા છે અને વધુ તપાસ હાથ ધરી છે.
પીડિતાનો આપઘાત પહેલાનો વીડિયો આવ્યો સામે
વડોદરા બહુચર્ચિત સામૂહિક દુષ્કર્મ બાદ આપઘાત કરનાર યુવતીનો અંતિમ વીડિયો સામે આવ્યો છે. વીડિયોમાં લોકોને હિંમત આપનારી દીકરી પોતે જ હિંમત હારી ગઇ હતી અને દુષ્કર્મનો ભોગ બનતા હતાશ થઇ જીવન ટૂંકાવ્યું હતું. પીડિતાનો આપઘાત પહેલા એક વીડિયો સામે આવ્યો છે જેમાં તે લોકોને પ્રોત્સાહિત કરતી જણાઈ રહી છે યુવતી કહે છે કે, મારે જીવનમાં ખૂબ આગળ વધી માતા-પિતાને ગર્વ મહેસૂસ કરાવવું છે. જીવનમાં અનેક તકલીફો આવી પણ મેં હાર માની નથી. જીવનમાં ગમે એટલી તકલીફો આવે મારે જે કરવું છે એ હું કરીને જ રહીશ. મારે જિંદગીમાં દેખાડો કરવો નથી....મારું માઈન્ડ હવે ક્લિયર થઈ ગયું છે, હવે મારે મારા માતા પિતાને પ્રાઉડ ફિલ થાય તેવું કામ કરવું છે. VTV ન્યૂઝ આ વાયરલ વીડિયોની પુષ્ટી કરતું નથી.