વડોદરામાં સગીરા સાથે દુષ્કર્મના આરોપીઓને પોલીસે ઝડપી પાડ્યા હતા. અમદાવાદ ક્રાઈમ બ્રાંચે વડોદરાના તરસાલીથી બે આરોપીઓની ધરપકડ કરી હતી. ત્યારે આ આરોપીઓની ઓળખ પરેડ માટે કોર્ટમાં રજૂ કરાયા હતા. ફરિયાદીએ કિશન માથાસુરિયા, જશો સોલંકીને ઓળખી બતાવ્યાં હતા.
વડોદરા સગીરા સાથે દુષ્કર્મ મામલે પત્રકાર પરિષદ
આરોપીઓની અટકાયત કરીને ફોરેન્સિક પુરાવાના આધારે તપાસ શરૂ કરાઇ છે
આરોપીઓને પાછળના દરવાજેથી કોર્ટમાં લવાયા
વડોદરા શહેરના નવલખી મેદાનમાં 14 વર્ષીય સગીરા પર સામૂહિક દુષ્કર્મના બે આરોપીઓને આજે ઓળખ પરેડ માટે પોલીસે એક્ઝિક્યુટિવ મેજિસ્ટ્રેટ સમક્ષ હાજર કર્યાં હતા. જ્યાં પીડિતાએ બંને આરોપીઓને ઓળખી બતાવ્યા હતા. આથી પોલીસે હવે બંને આરોપીઓના રિમાન્ડ મેળવવાની કાર્યવાહી હાથ ધરી છે. પોલીસે બંને આરોપીઓને વડોદરા કોર્ટમાં રજૂ કરીને 14 દિવસના રિમાન્ડની માગણી કરી હતી. જો કે કોર્ટે આરોપીઓના 8 દિવસના રિમાન્ડ મંજૂર કર્યા હતા. તમને જણાવી દઈએ કે બંને આરોપીઓને સઘન સુરક્ષા વ્યવસ્થા વચ્ચે કોર્ટમાં પાછળના દરવાજેથી લઈ જવાયા હતા.
વડોદરા સગીરા સાથે દુષ્કર્મ મામલે પત્રકાર પરિષદ
પોલીસ કમિશ્નર અનુપમસિંહ ગેહલોતે પત્રકાર પરિષદ યોજી હતી. જેમાં તેમણે આરોપીઓ વિશે માહિતી આપી હતી. જેમાં તેમણે જણાવ્યું હતું કે, તેમજ આરોપીઓની અટકાયત કરીને ફોરેન્સિક પુરાવાના આધારે તપાસ શરૂ કરવામાં આવી છે. પુરાવા મજબૂત કરવા પુરાવા લેવાયા છે. આરોપીઓની ઓળખ પરેડ કરાઈ છે. આરોપીઓના રિમાન્ડ બાદ જગ્યાનુ પંચનામુ અને ગુનાહિત પ્રવૃત્તિ ચકાસાશે. કોર્ટમાં કેસ વહલી તકે ચાલે તેવો પ્રયાસ કરાશે. ડેટા શેરીંગ કર્યા બાદ આરોપીઓ પકડાયા છે. આરોપીઓ પાસેથી મોબાઈલ અને બાઈકની ચાવી મળી આવી છે. આરોપીઓ પાસેથી એક મોબાઈલ મળ્યો બીજો મેળવવાનો બાકી છે. આરોપીઓ ક્યાં રહ્યા અને કોણે મદદ કરી તેની તપાસ કરાશે.
આ ઉપરાંત તેમણે જણાવ્યું કે, નવલખી જેવા 42 ગ્રાઉન્ડ છે તેમાં સલામતી માટે પગલા લેવાશે. કોર્પોરેશનની સાથેના સંકલનમાં રહીને પગલા લેવામાં આવશે અને નવલખી મેદાનમાં હાઈમાસ લાઈટીંગ અને CCTV લગાડવામાં આવશે.