મેઘસવારી / વડોદરા જિલ્લામાં મેઘરાજા મહેરબાન, ભારે વરસાદના પગલે નદીઓની જળસપાટી વધી

• વડોદરામાં અવિરત મેઘસવારી
• વિવિધ વિસ્તારોમાં વરસી રહ્યો છે વરસાદ
• વડોદરામાં ભારે વરસાદથી નદીઓની જળ સપાટી વધી

વડોદરા જિલ્લામાં  પણ મેઘરાજા મહેરબાન થયા છે. ભારે વરસાદથી નદીઓની જળ સપાટી વધી રહી છે. વિશ્વામિત્રી નદીની જળ સપાટીમાં વધારો  થયો  છે. વિશ્વામિત્રી નદીની જળસપાટી  14 ફૂટ  સુધી પહોંચી છે. વિશ્વામિત્રી નદીની ભયજનક સપાટી 26 ફૂટ  છે. તો આજવા સરોવરની જળ સપાટીમાં પણ  વધારો   થયો છે.

 

આજવા સરોવરની જળ સપાટી વધીને  210.55 ફૂટ સુધી પહોંચી છે. આજવા સરોવરની ભયજનક સપાટી 214 ફૂટ છે. ઉપરવાસમાં ભારે વરસાદના કારણે નદીની જળ સપાટીમાં વધારો થઇ રહ્યો છે.

વિશ્વામિત્રી નદીની જળસપાટી વધી

વડોદરામાં પણ ધોધમાર વરસાદ વરસ્યો છે. શહેરમાં ભારે વરસાદના કારણે વિશ્વામિત્રી નદીની જળસપાટીમાં વધારો થયો છે. વિશ્વામિત્રી નદીની સપાટી વધીને 15.5 ફૂટ પર પહોંચી છે. વિશ્વામિત્રી નદીની ભયજનક સપાટી 26 ફૂટ છે. ઉપરવાસમાં ભારે વરસાદથી પાણીની આવક થઇ છે. 

 

વડોદરા શહેરમાં અવિરત મેઘસવારી

વડોદરામાં મેઘો અવિરત વરસી રહ્યો છે. વિવિધ વિસ્તારોમાં વરસાદ વરસી રહ્યો છે. શહેરના રાવપુરા, ખંડેરાવ માર્કેટ, ફતેગંજ, સયાજીગંજ, સલાટવાડા, નાગરવાડામાં વરસાદ વરસી રહ્યો છે. ભારે વરસાદના કારણે રસ્તાઓ પાણી પાણી થઇ ગયા છે.સતત ત્રણ દિવસથી વરસાદ વરસતા લોકોમાં ખુશીનો માહોલ જોવા મળી રહ્યો છે.