વડોદરા / યૂનાઇટેડ વે ગરબાના આયોજકો GSTના સંકજામાં, ઓફિસમાં દરોડા બાદ આજે પૂછપરછ

• વડોદરાના પ્રખ્યત ગરબા યુનાઈટેડ વે GSTની ઝપેટમાં
• યુનાઈટેડ વેની ઓફિસમાં GST વિભાગના દરોડાની કાર્યવાહી
• શનિવારે ઓફિસ સ્ટાફ રજા પર હોવાથી આજે થશે પુછપરછ

GST વિભાગના યુનાઇટેડ વે ગરબા આયોજકોને ત્યાં દરોડા

GST વિભાગ દ્વારા વડોદરા ખાતે યુનાઇટેડ વે ગરબાની રેસક્રોસ ગ્રાઉન્ડની ઓફિસમાં દરોડાની કાર્યવાહી કરવામાં આવી હતી. શનિવારે ઓફિસ સ્ટાફ રજા પર હોવાથી આજરોજ પુછપરછ કરવામાં આવશે. 

GST દરોડામાં કરાશે તપાસ

GST વિભાગ દ્વારા યુનાઇટેડ વેની ઓફિસ બહાર  SRPનો બંદોબસ્ત ગોઠવી દેવાયો છે. હિસાબોમાં ગડબડ ન થાય તે માટે બંદોબસ્ત ગોઠવવામાં આવ્યો છે.  આ દરોડામાં  યુનાઇટેડ વેએ ચૂકવેલા લાખો રૂપિયાની તપાસ કરવામાં આવશે. ખેલૈયા, ગાયકો, વીડિયોગ્રાફીના પેમેન્ટની પણ તપાસ થશે.

ગરબા આયોજનમાં GST ટેક્ષની ચોરી કર્યાની આશંકા

વડોદરાના પ્રખ્યાત ગરબા યુનાઇટે વે દ્વારા ગરબા આયોજનમાં GST ટેક્ષની ચોરી કર્યા હોવાની આશંકાના પગલે દરોડા પાડવામાં આવ્યાં છે. જેમાં આજરોજ ઓફિસના કર્મચારીઓ પુછપરછ સહિત ફરી તપાસ કરવામાં આવશે. 

યુનાઇટેડ વે વિશ્વના સૌથી મોટા ગરબાનું કરે છે આયોજન

વડોદરા ખાતે નવરાત્રિ દરમિયાન યુનાઇટેડ વે વિશ્વના સૌથી મોટા ગરબાનું આયોજન કરતું હોવાનો દાવો છે. જેમાં ખેલૈયાઓ પાસેથી એન્ટ્રીના પાસની મોટી રકમ વસૂલવામાં આવે છે. જેમાં મહિલાના 1500 અને પુરૂષના 3500 રૂપિયા લેવામાં આવે છે. નવરાત્રિમાં 50 હજાર ખેલૈયાઓએ ગરબા રમતા હોવાનો દાવો કરવામાં આવ્યો છે. આ ગરબામાં દેશ-વિદેશથી ખેલૈયાઓ ગરબા રમવા આવે છે.