આરોપ / વડોદરામાં આજથી શાકભાજીનું વેચાણ નહીં, વેપારીઓએ પોલીસ પર લગાવ્યો આ આક્ષેપ

• વડોદરામાં આજથી શાકભાજીનું વેચાણ નહીં
• પોલીસ માર મારતી હોવાથી વેપારીઓ દ્વારા નિર્ણય
• ટ્રેક્ટર-ટેમ્પોને પરવાનગી હોવા છતા હેરાનગતીના આક્ષેપ

વડોદરામાં લોકડાઉન દરમિયાન વેપારીઓ દ્વારા શાકભાજી ન વેચવાનો નિર્ણય કરાયો છે. શહેરની પોલીસ માર મારતી હોવાથી વેપારીઓએ શાકભાજી ન વેચવાનો નિર્ણય કર્યો છે.  તંત્ર દ્વારા શાકભાજીના ટ્રેક્ટર અને ટ્રેમ્પોને પરવાનગી આપી હોવા છતાં પોલીસ દ્વારા હેરાનગતીના આક્ષેપ કરાયા છે.

 

APMC અને પાલિકા સંયુક્ત રીતે સંકલનથી વેચાણ કરે છે. શહેરના 12 વોર્ડમાં 24 ટ્રેક્ટર અને ટેમ્પો દ્વારા સોસાયટીમાં જઈને વેચાણ કરવામાં આવે છે. ત્યારે હવે પોલીસના ડરના કારણે શાકભાજી ન વેચાવાનો નિર્ણય કરાતા પાલિકાના અધિકારીઓએ સમજાવવાના પ્રયાસ કર્યા છે.