વડોદરા: શહેર પોલીસે હવે આરોપીઓ સામે લાલ આંખ કરી છે. વડોદરા પોલીસે ખંડણી હત્યા અને અપહરણ સહિતના અનેક ગુનામાં સંડોવાયેલો આરોપી અસલમ બોડીયાને પોલીસે પોલીસ સ્ટેશનમાં જ કૂકડો બનાવ્યો.
ઉલ્લેખનીય છે કે ગેંગવોર હૂમલામાં પણ અસલમનું અનેક વાર નામ સામે આવ્યું છે. ત્યારે અજુ કાણીયા બાદ અસલમ બોડીયાને પણ કૂકડો બનાવ્યો છે. આ કૂકડો બનાવેલો વીડિયો હાલ સોશિયલ મીડિયામાં ખૂબ જ વાયરલ થયો છે. તો પોલીસની આ કામગીરીને વડોદરાવાસીઓએ વખાણી હતી.
આ ઘટના મામલે મળતી જાણકારી અનુસાર છેલ્લા 15 વર્ષમાં અસલમ બોડીયા સામે વડોદરા પોલીસે અનેક ગુના નોંધ્યા છે. આ સાથે જ અસલમે ઘણાં કિસ્સામાં મોટી રકમની ખંડણીઓ પણ માગી હોવાનું ધ્યાને આવેલ છે.
ત્યારે આ હિસ્ટ્રીસીટરની ગણેશ વિસર્જન સમયે વડોદરા પોલીસે અટકાયત કરીને તેનો જાહેર માર્ગો પર વરઘોડો કાઢ્યો હતો. જો કે આ સાથે જ અસલમ બોડીયાને પોલીસ સ્ટેશનમાં જ કૂકડો બનાવાતા લોકોમાં ચર્ચાનો દોર શરૂ થયો હતો.
આપને જણાવી દઇએ કે રાજ્યમાં દિવસને દિવસે ગુનાખોરી વધી રહી છે ત્યારે ગુજરાત પોલીસ પણ ખાસ હરકતમાં આવીને ગુનાખોરી ડામનાવાના ખાસ પ્રયાસ કરી રહી છે અને રાજ્યની પ્રજા ભયમુક્ત જીવન જીવે તેવા પ્રયાસો હાથ ધર્યા છે.