ગુજરાતમાં સરકાર જોર-શોરથી કહી રહી છે કે રાજ્યમાં દારૂબંધીનો કડક અમલ કરવામાં આવી રહ્યો છે. ત્યારે સંસ્કાર નગરી તરીકે ગણાતા વડોદરા શહેરમાં એકસાથે બે જગ્યા પર પોલીસે દારૂની મહેફિલ પર દરોડા પાડયા હતા. જેમાં અમોદર ગામમાથી પોલીસે 7 યુવક અને 5 યુવતીઓને વિદેશી બ્રાન્ડની દારૂની બોટલ સાથે ઝડપી લીધા હતા. જ્યારે અન્ય એક દારૂની મહેફિલ પાદરાના ડભાસમાં ઝડપાઇ હતી.
વડોદરામાં અમોદર ગામમાંથી ઝડપાઈ દારૂની મહેફિલ
વડોદરાના પાદરાના ડભાસમાં દારૂની મહેફિલ ઝડપાઈ
13 જેટલા ખાનદાની નબીરાઓ મેહેફિલ માણતા ઝડપાયા
વડોદરાના પાદરાના ડભાસમાં દારૂની મહેફિલ ઝડપાઈ
વડોદરા શહેરના પાદરાના ડભાસમાં પોલીસે દારૂની મહેફિલ ઝડપી છે. જેમાં 13 જેટલા ખાનદાની નબીરાઓને મહેફિલ માણતા ઝડપી લીધા છે. પોલીસે મોંઘાદાટ વાહનો સાથે મુદ્દામાલ જપ્ત કર્યો છે. ડભાસના સરપંચના ફાર્મ હાઉસમાં દારૂની મહેફિલ ચાલતી હતી. પોલીસે 13 નબીરાઓની ધરપકડ કરી.
વડોદરામાં અમોદર ગામમાંથી ઝડપાઈ દારૂની મહેફિલ
વડોદરામાં અમોદર ગામમાંથી શ્યામલ કાઉન્ટી સોસાયટીમાં દારૂની મહેફિલ માણતા યુવક યુવતી ઝડપાયા હતા જો કે પોલીસે ગણતરીના કલાકમાં જ તેમને જામીન પર મુક્ત કર્યાં છે. સુમનદીપ વિદ્યાપીઠના વિદ્યાર્થીઓએ દારૂની મહેફિલ યોજી હોવાનું સામે આવ્યું છે.
બાતમીના આઘારે પોલીસે રેડ પાડતા 7 યુવક અને 5 યુવતીઓ મહેફિલ માણતા ઝડપાઈ હતી. ઘટનાસ્થળેથી પોલીસને વિદેશી દારૂની બોટલ મળી આવી હતી. જો કે આ મામલે વાઘોડિયા પોલીસની કામગીરી શંકાના દાયરામાં આવી ગઇ છે. અહીં પોલીસે મીડિયા કર્મીથી આરોપીઓને બચાવતી જોવા મળી હતી.