ગુજરાતમાં હાલ કોરોના વાયરસની મહામારીનો પ્રકોપ યથાવત જોવા મળી રહ્યો છે. ત્યારે રાજ્યના વડોદરા શહેરના વરણા પોલીસ મથકના 7 પોલીસકર્મી તેમજ MGVCLની કચેરીના 3 અધિકારીઓ કોરોના સંક્રમિત જોવા મળ્યાં છે. જેને લઇને પોલીસ અને વીજ કંપનીના અન્ય કર્મચારીઓમાં ફફડાટ જોવા મળ્યો છે.
પોલીસ મથકના 7 પોલીસકર્મી કોરોના સંક્રમિત
પોલીસકર્મીઓના પરિવારના 5 સભ્યોને પણ કોરોના
MGVCLની કચેરીના 3 અધિકારી પણ કોરોના સંક્રમિત
વડોદરામાં કોરોના વોરિયર્સ કોરોના સંક્રમિત થઇ રહ્યાં છે. વડોદરાના વરણામાં પોલીસ સ્ટેશનમાં કોરોનાની ઝપેટમાં આવી ગયું છે. અહીં પોલીસ મથકના 7 પોલીસકર્મી કોરોના સંક્રમિત થયા છે. પોલીસકર્મીઓના પરિવારના 5 સભ્યોનો પણ કોરોના પોઝિટિવ રિપોર્ટ આવ્યો. MGVCLની કચેરીના 3 અધિકારી પણ કોરોના સંક્રમિત થયા છે.
ઉલ્લેખનીય છે કે આ અગાઉ 24મીએ શહેરના પોલીસ ભવનમાં કોરોનાનો કહેર વર્તાયો હતો. જેમાં પોલીસ કંટ્રોલરૂમના PSI સહિત 9 અન્ય કર્મીઓ કોરોનાગ્રસ્ત થયા હતા. જેને લઇને પોલીસ પરિવારમાં ચિંતાનો માહોલ જોવા મળ્યો હતો.