વડોદરા: પ્રધાનમંત્રી આવાસ યોજનાના લાભાર્થીઓએ મચાવ્યો હોબાળો

વડોદરા મહાનગરપાલિકાની 2 હજાર કરોડના કૌભાંડ વાળી પ્રધાનમંત્રી આવાસ યોજના માં ગુજરાત હાઇકોર્ટે સ્ટે આપી ને આ કૌભાંડ પર રોક લગાવી છે. ત્યારે કોર્ટ કોર્પોરેશન અને બિલ્ડર પ્રક્રિયા માં ગરીબ લાભાર્થી ઓ પીસાઈ રહ્યા છે. 

જણાવી દઇએ કે કોર્ટે સ્ટે આપતા જ સાઇરૂચી  ઈન્ફાસ્ક્ચરના સંચાલકે લાભાર્થીઓને ભાડું આપવાનુ બંધ કરી દીધું છે. જેના કારણે ગરીબો મુશ્કેલીમાં મુકાયા છે અને આજે વહેલી સવારે જ ભાડાના ચેક લેવામા માટે કોર્પોરેશનની વોર્ડ ઓફિસે આવી ગયા હતા. જોકે અહીં ચેક આપવાનુઁ બંધ હતું અને બિલ્ડર ના કોઈ માણસો પણ અહીં હાજર ના હોવાના કારણે આ લાભાર્થી ઓ એ હોબાળો મચાવ્યો હતો. 

નિરાશ થયેલા લાભાર્થી ઓ કહી રહ્યાં છે કે અમને અમારી જમીન પછી આપે અમે જાતેજ મકાનો બનવી લઈશું. અહીંથી આ લાભાર્થીઓ બિલ્ડરની સાઈટ ઉપર જવા રવાના થયા છે. આ ઘટનાની જાણ થતાજ આવાસ યોજના ની સાઈટ પર ભારે પોલીસ બંધોબસ્ત ગોઠવી દેવા માં આવ્યો છે.