વડોદરાના PI અજય દેસાઈની પત્ની ગુમ થવા મામલે ઈઝરાયલની સિસ્ટમની મદદથી FSL દ્વારા તપાસ કરવામાં આવી રહી છે
વડોદરાના PI પત્ની ગુમ થવાનો મામલો
સ્વિટી પટેલ ગુમ થવા મામલે તપાસનો ધમધમાટ
ઈઝરાયલની સિસ્ટમની મદદથી FSLએ તપાસ શરૂ કરી
વડોદરાના PI અજય દેસાઈની પત્ની ગુમ થવા મામલે પોલીસે તપાસનો ધમધમાટ શરૂ કર્યો છે જેમાં ઈઝરાયલની સિસ્ટમની મદદથી FSL દ્વારા તપાસ કરવામાં આવી રહી છે આજે ગાંધીનગર FSL ખાતે અજય દેસાઈનો SDS ટેસ્ટ કરવામાં આવ્યો ટેસ્ટ પહેલા અજય દેસાઈની સ્વૈચ્છિક મંજૂરી પણ લેવામાં આવી હતી સસ્પેક્ટેડ ડિટેક્શન ટેસ્ટમાં ઓડિયો સાંભળતા સમયે શંકાસ્પદ વ્યક્તિના પરસેવાને આધારે ટેસ્ટ કરવામાં આવે છે. આ ટેસ્ટ થયા બાદ બે દિવસમાં FSL રિપોર્ટ જાહેર કરશે. મહત્વનું છે છેલ્લા એક મહિનાથી PI અજય દેસાઈના પત્ની સ્વિટી પટેલ ગુમ છે જેમા સ્વિટી પટેલના ગુમ થવામાં પતિ અજય દેસાઈની ભૂમિકા પર શંકા સેવાઈ રહી છે ત્યારે અજય દેસાઈનો SDS ટેસ્ટ કરવામાં આવ્યો હતો.
પોલીસ ડોગ સ્ક્વોર્ડ, રેલ્વે પોલીસની મદદ લેવામાં આવી
ઉલ્લેખનિય છે કે સ્વિટી પટેલને શોધવા માટે પોલીસ ડોગ સ્ક્વોર્ડ, રેલ્વે પોલીસની પણ મદદ લેવામાં આવી રહી છે તેમજ ત્રણ દિવસથી પોલીસ દહેજ નજીક પણ તપાસ કરી રહી છે. પોલીસે દહેજના તળાવ અને નદીના પાણીમાં ડ્રોન કેમેરાની મદદથી પણ સર્ચ ઓપરેશન કર્યું છે. એવું પણ અનુમાન સેવાઈ રહ્યું છે કે રેલ્વેમાં એક વ્યક્તિ સાથે સ્વિટી પટેલ નજરે પડ્યા હતો જેને લઈ પોલીસે સ્વિટી પટેલ સાથે નજરે પડેલા વ્યક્તિનો સ્કેચ બનાવી શંકાસ્પદ ઈસમનો સ્કેચ પણ જાહેર કર્યો છે.