વડોદરા: રાજ્યમાં દારૂબંધી હોવા છતાં બુટલેગરો દ્વારા નવા નવા કિમિયા બનાવીને દારૂની હેરાફેરી કરવામાં આવે છે. વડોદરામાં બુટલેગર વિજય પ્રભાકર ખાસ ડીઝાઈન કરાવેલી જીપમાં દારૂની હેરાફેરી કરતો હતો. ત્યારે હવે પોલીસે વિજય પ્રભાકરની ખાસ ડીઝાઈન કરાવેલી જીપને ઝડપી પાડી છે.
ઉલ્લેખનીય છે કે પીકઅપ જીપમાં બુટલેગર દ્વારા ચેસીઝમાં ચોરખાનું બનાવવામાં આવ્યુ હતુ. જેની જાણ થતા પોલીસે આજવા રોડ પરના અનંત સમૃદ્ધિ કોમ્પલેક્ષમાંથી જીપને ઝડપી પાડી છે. જીપમાંથી પોલીસે 438 પેટીઓ વિદેશી દારુનો જથ્થો પણ ઝડપી પાડ્યો છે. જીપ પકડાતા આરોપી વિજય પ્રભાત ઠાકરડા ફરાર થયો હતો. ત્યારે હવે પોલીસે દારૂના જથ્થાને ઝડપીને આગળની કાર્યવાહી શરૂ કરી છે.
આપને જણાવી દઇએ કે એક તરફ ગાંધીના ગુજરાતમાં દારૂબંધી છે તેમ છતાં કેટલાક લોકો દ્વારા દારૂની હેરફેર કરવામાં આવી હતી. ત્યારે ગુજરાતની સંસ્કારી નગરીની ઓળખ પામનાર વડોદરામાંથી 438 પેટી દારૂ ઝડપાતા અનેક તર્ક વિતર્ક સર્જાયા છે. આ મામલે સ્થાનિક પોલીસે તપાસ હાથ ધરીને આ દારું ક્યાંથી લાવવામાં આવ્યો હતો અને કોના કહેવાથી લાવવામાં આવવામાં આવ્યો તે અંગે તપાસ શરૂ કરી છે.