વડોદરા: સ્ટેચ્યુ ઓફ યુનિટીના સમગ્ર નિર્માણકાર્ય અંગેનું યોજાયું ફોટો પ્રદર્શન

વડોદરા: સરદાર પટેલના સ્ટેચ્યુ ઓફ યુનિટના લોકાર્પણના ગણતરીના દીવસો બાકી છે ત્યારે વડોદરાના હરીઓમ ગુર્જરે સ્ટેચ્યુ ઓફ યુનીટીને લઇને ફોટો એક્ઝિબીઝન શરૂ કર્યુ છે.

મેકિંગ ઓફ સ્ટેચ્યુ ઓફ યુનિટના તસવીરકારે વર્ષ ૨૦૧૩થી લઈને ૨૦૧૮ સુધી કેટલાય કલાકો અને દિવસો સાધુ ટેકરી ખાતે વિતાવીને અલગ અલગ એંગલથી હજારો તસવીર લીધી હતી.

જે પૈકી 92 જેટલી તસવીરોનું પ્રદર્શન માટે યોજ્યું છે. સ્ટેચ્યુ ઓફ યુનિટના એટલે કે સરદાર વલ્લભભાઈ પટેલના ૧૮૨ મીટર ઊંચી આ પ્રતિમના પાયા નંખાયા તે દ્રશ્યથી લઇ ધીમેધીમે પર આવતા જઇએ તો પગની આંગળીઓ થી લઇ મસ્તક સુધીના એક બાદ એક ફોટોગ્રાફ્સ જોઇ આ સમગ્ર પ્રતિમા જાણે આંખો સામે તૈયાર થતી જોઇ રહ્યા હોય તેમ લાગશે.

ઉલ્લેખનીય છે કે આગામી 31 ઓક્ટોબરના રોજ ભારતના વડાપ્રધાન અને એક સમયના ગુજરાતના મુખ્યપ્રધાન નરેન્દ્ર મોદી સરદાર પટેલની 182 મીટર ઊંચી પ્રતિમાનું લોકાર્પણ કરવાના છે ત્યારે તે પહેલા જ એક તસવીરકારે વર્ષ ૨૦૧૩થી લઈને ૨૦૧૮ સુધીના સમયગાળાને કચકડે કેદ કરીને તેનું એક પ્રદર્શન યોજ્યું હતું.