ગુજરાતમાં મોટી દૂર્ઘટનાની ઘાત ટળી ગયેલી જોવા મળી. રાજ્યના વડોદરા શહેરના નેશનલ હાઇવે દુમાડ ચોકડી પાસે પેટ્રોલ ભરેલું ટેન્કર પલટી મારી ગયું હતું. જો કે સદ્દનસીબે કોઇ જાનહાનિ થઇ નથી. પેટ્રોલની ટેન્કરના ડ્રાઇવરનો આબાદ બચાવ થયો તેમજ મોટી જાનહાનિ ટળી ગયેલી જોવા મળી હતી. જો કે ટેન્કર પલટી જતાં સાવચેતના પગલે હાઇવેનો ટ્રાફિક બંધ કરી દેવામાં આવ્યો હોવાના અહેવાલ પ્રાપ્ત થયાં છે.
વડોદરાના નેશનલ હાઈવે પર પેટ્રોલ ભરેલું ટેન્કર પલટી ખાઈ ગયું
નેશનલ હાઈવે નંબર 8ની દુમાડ ચોકડી પાસેની ઘટના
હાઈવેનો ટ્રાફિક બંધ કરી દેવાયો, ટેન્કરના ડ્રાઈવરનો બચાવ
પ્રાપ્ત મળતી વિગત અનુસાર રાજ્યના વડોદરાના નેશનલ હાઇવે પર દુમાડ ચોકડી પાસે પેટ્રોલ ભરેલું ટેન્કર પલટાયું છે. જો કે સદ્દનસીબે કોઇ જાનહાન થઇ નથી. ટેન્કરના ડ્રાઇવરનો બચાવ થયો છે.
વડોદરા નેશનલ હાઇવે 8 પર દુમાડ ચોકડી પાસે પ્લાઝમો હોટેલ પાસે પેટ્રોલનું ટેન્કર પલટાયું છે. ટેન્કરમાંથી પેટ્રોલ રોડ પર લીકેજ થતાં ફાયરની 3 ગાડીઓ ઘટનાસ્થળે પહોંચી છે. ટેન્કર પલટાતાં સાવચેતીના ભાગરૂપે હાઇવેનો ટ્રાફિક બંધ કરી દેવામાં આવ્યો છે. જોકે ટેન્કર ડ્રાઇવરને સલામત બહાર નીકાળી લેવામાં આવ્યો છે.